15.04.2026 | 19:17
Հենրի Ավագյանը ռեկորդ է սահմանել «Փյունիկում»
Վայրկյանների հարց է տվյալները շտեմարանում մուտքագրելը․ Սողոմոնյանը՝ գազալցակայաններում հերթերի մասին
Հասարակություն
13.07.2022 | 12:06
Օգոստոսի 1-ից ուժի մեջ է մտնելու նոր պահանջ. տրանսպորտային միջոցների վրա տեղադրված գազաբալոնները չպետք է լիցքավորվեն, եթե գազաբալոնները տեղադրված կամ վկայագրված չեն լիցենզավորված կազմակերպության կողմից: Այս մասին այսօր մամուլի ասուլիսում նշեց ՏԿԵ նախարարության ավտոմոբիլային տրանսպորտի քաղաքականության լիցենզավորման և թույլտվությունների վարչության պետ Խաչիկ Սողոմոնյանը:
«Եթե մեքենայի չվկայագրված գազաբալոնը լիցքավորվի, ապա գազալցակայանը կտուգանվի առաջին անգամ 200 հազար դրամի չափով, երկրորդ անգամ՝ ավելի շատ: Իսկ ավտոմեքենայի վարորդը չի տուգանվի:
Այն վարորդները, որոնք չեն իրականացրել իրենց ավտոմեքենայի վրա տեղադրված գազաբալոնների վկայագրման գործընթացը, պետք է մոտենան լիցենզավորված կայաններ: Այդ կայանների ցանկը և հասցեները տեղադրված է մեր նախարարության կայքում: Դրանց թիվը 23 է»,- նշեց Սողոմոնյանը՝ հավելելով, որ վկայագրման այդ տվյալները մուտքագրվելու են էլեկտրոնային շտեմարան:
Անդրադառնալով դիտարկմանը, որ կայաններում հերթեր կգոյանան, Սողոմոնյանը վստահեցրեց, որ վայրկյանների հարց է տվյալները շտեմարանում մուտքագրելը։
Նրա խոսքով՝ այս պահին էլեկտրոնային շտեմարանը պատրաստ է, կայանների մեծ մասը միացված են էլեկտրոնային շտեմարանին: Որոշ Կայանների մեծ մասն արդեն իրականացնում են վկայագրման գործընթացը և տվյալները տեղադրում են շտեմարանում:
Մանրամասները՝ տեսանյութում:
