ՆԱՏՕ-ն և ԵՄ-ն ահազանգում են Ուկրաինայից զենքի մաքսանենգության վտանգի մասին․FT

ՆԱՏՕ-ի և ԵՄ-ի երկրները կարծում են, որ պետք է ավելի ուշադիր հետևել Ուկրաինա առաքվող զենքին՝ մտավախություն ունենալով, որ հանցավոր խմբերը դրանք դուրս են բերում երկրից և մատակարարում Եվրոպայի սև շուկա, գրում է Financial Times-ը:

Պատերազմի սկզբից ի վեր արևմտյան երկրները խոստացել են ավելի քան 10 միլիարդ դոլարի ռազմական աջակցություն ցուցաբերել՝ սկսած շարժական հրթիռային կայաններից և զրահատեխնիկայից մինչև հրազեն և հսկայական քանակությամբ զինամթերք: ՆԱՏՕ-ի անդամ մի շարք երկրներ Կիևի հետ քննարկում են Ուկրա ինա մատակարարվող զենքի հետագծման և գույքագրման համակարգի ստեղծման հարցը:

«Այդ բոլոր զենքերը բեռնաթափվում են Լեհաստանի հարավում, բերվում են սահման, այնուհետև պարզապես բաժանվում են տրանսպորտային միջոցնե րին, որպեսզի հատեն սահմանը՝ բեռնատարներ, ֆուրգոններ, երբեմն մասնավոր մեքենաներ», – ասել է նրանցից մեկը: «Եվ այդ պահից մենք ոչինչ չգիտենք դրանց գտնվելու վայրի մասին, և անգամ գաղափար չունենք, թե ուր է այն հասնում, որտեղ է օգտագործվում և արդյոք այն մնում է երկրում»,- ասել է FT-ի աղբյուրը: Այնինչ Ուկրաինայի պաշտպանության նախարարի խորհրդական Յուրի Սակը հայտարարել է, որ զենքի տեղաշարժը ուշադիր վերահսկվում է ինչպես Ուկրաինայի, այնպես էլ միջազգային գործընկերների կողմից:

«Դժվար է խուսափել մարդկանց թրաֆիքինգից կամ մաքսանենգությունից. մենք դա չկարողացանք անել նախկին Հարավսլավիայում և հավանաբար չենք կարողանա խուսափել դրանից Ուկրաինայում», – ուրբաթ լրագրողների հետ զրույցում ասել է Չեխիայի պաշտպանության նախարար Յանա Չեռնոխովան: Նա հույս է հայտնել, որ զենքի դոնոր հանդիսացող երկրները ձեռնարկում են բոլոր անհրաժեշտ քայլերը՝ բեռնափոխադրումները հետագծելու համար, սակայն զգուշացրել է, որ հնարավոր չէ հետևել յուրաքանչյուր զինատեսակի տեղափոխմանը։

Տաթև Ֆռանգյան