09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Ոստիկանությունը պետք է ունենա քննչական ապարատ՝ տաք հետքերով բացահայտման դեպքերի համար․ Արմեն Խաչատրյան․ ՏԵՍԱՆՅՈՒԹ
Քաղաքականություն
12.07.2022 | 15:27
«Կառավարության ռազմավարությամբ նախատեսված էր, որ Ոստիկանությունը պետք է ունենա քննչական ապարատ՝ տաք հետքերով բացահայտման խնդիր ունեցող դեպքերի համար, որով գերծանրաբեռնվում է Քննչական կոմիտեն»,- ԱԺ պաշտպանության և անվտանգության հարցերի մշտական հանձնաժողովի նախաձեռնած խորհրդարանական լսումների ժամանակ այս մասին նշեց «Քաղաքացիական պայմանագիր» խմբակցության պատգամավոր Արմեն Խաչատրյանը՝ հավելելով, որ, օրինակ, ծեծի, խուլիգանության կամ ՃՏՊ գործերով Ոստիկանությունը կարող է բավականին արագ և արդյունավետ քննություն իրականացնել, և միաժամանակ դրանով կթոթափի Քննչկան կոմիտեի վրա դրված մեծ լուծը:
Իշխանական պատգամավորի դիտարկմամբ՝ ՆԳՆ ստեղծումն անխուսափելի է: Նրա խոսքով՝ մեծ աշխատանք է կատարվել այդ ուղղությամբ:
«ՆԳՆ ստեղծման հանգամանքներից մեկն այն է, որ հանցավորության ու իրավախախտումների դեմ պայքարը կարևորագույն հանրային ոլորտ է, որը, սակայն, այժմ չունի քաղաքական պատասխանատու: Ունենք տարբեր բնագավառների նախարարներ, բայց երկրի ներքին անվտանգության բնագավառը չունի քաղաքական պատասխանատու: Հանցավորության դեմ պայքարի քաղաքականութան մշակման և կառավարման համար անհապաղ անհրաժեշտ է ՆԳՆ ստեղծումը և նախարար ունենալը»:
Մանրամասները՝ տեսանյութում:
