19.08.2026 | 21:59
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Թուրքիան քննադատել է ՄԻԵԴ-ի որոշումը Քավալայի մասով
Քաղաքականություն
12.07.2022 | 20:17
Թուրքիայի ԱԳՆ խոսնակ Թանջու Բիլգիչը քննադատել է ՄԻԵԴ որոշումը, որը կապված է Անկարայի կողմից իրավապաշտպան ու բարերար Օսման Քավալային ազատ արձակելու որոշումը չկատարելու հետ։ Քավալան 2017 թ-ից ճաղերի հետևում է, գրում են թուրքական լրատվամիջոցները։
ՄԻԵԴ-ը վճռել էր, որ Քավալային ազատ չարձակելով՝ Թուրքիան խախտել է Մարդու իրավունքների եվրոպական կոնվենցիայի 46/1 հոդվածը, որը սահմանում է ՄԻԵԴ-ի որոշումների պարտադիր կատարումը։
«Մեր շփումը ԵԽ-ի հետ շարունակվել է ողջ ընթացքում։Արդարադատության նախարարության կողմից պարբերաբար տեղեկատվություն է տրամադրվել դիմումատուի նկատմամբ դատական վարույթում տեղի ունեցող զարգացումների վերաբերյալ»,-ասել է Բիլգիչը։
Նա քննադատել է ՄԻԵԴ որոշումը․ «ՄԻԵԴ-ը չկարողացավ արդարացնել մեր ակնկալիքները և ևս մեկ անգամ կասկածի տակ դրեց մարդու իրավունքների եվրոպական համակարգի վստահելիությունը»,-ասել է ԱԳՆ խոսնակը։
Հիշեցնենք, որ ապրիլի 25-ին Քավալան դատապարտվել է ցմահ ազատազրկման՝ «կառավարությունը տապալելու փորձի» համար այն բանից հետո, երբ դատարանը եզրակացրել է, որ նա կազմակերպել և ֆինանսավորել է 2013-ին համազգային հակակառավարական ցույցերը, որոնք հայտնի են որպես Գեզի այգու բողոքի ցույցեր։ Եվս 7 մեղադրյալներ դատապարտվել են 18 տարվա ազատազրկման։
Էմմա Չոբանյան
