15.12.2025 | 17:13
Yandex Go-ի վարորդների բողոքի ակցիան. ՈւՂԻՂ
Խնամի-ծանոթ-բարեկամ կապեր ՆԳՆ-ում չպե´տք է լինեն. բարեվարքության ստուգում պետք է անցնեն․ Իոաննիսյան․ ՏԵՍԱՆՅՈՒԹ
Հասարակություն
12.07.2022 | 13:31
Հայաստանում Ոստիկանության հիմնական խնդիրներից է գործունեության արդյունավետությունը: Այս մասին ԱԺ պաշտպանության և անվտանգության հարցերի մշտական հանձնաժողովի նախաձեռնած խորհրդարանական լսումների ժամանակ նշեց «Իրազեկ քաղաքացիների միավորում» ՀԿ համակարգող Դանիել Իոաննիսյանը:
Նրա դիտարկմամբ՝ եթե Ոստիկանությունն արդյունավետ չգործի, ամեն ինչի մասին խոսելը, այդ թվում նաև Ոստիկանությունում մարդու իրավունքների մասին խոսելը իմաստազուրկ է դառնում:
«ՀՀ-ում Ոստիկանությունը չի կարողանում բացահայտել հանցագործությունը, եթե գործում է օրինական միջավայրում: Հանցագործին ծեծել-խոշտանգելու միջոցով խստովանական ցուցմունքներ կորզելու ժամանակները, մեծ հաշվով, անցել են, թեև այդպիսի դեպքեր ևս դեռևս արձանագրվում են, և այս ֆոնին տեսնում ենք, որ ոստիկանությունը չի կարողանում օպերատիվ հետախուզական միջոցառումներ իրականացնելու միջոցով հանցագործություններ բացահատել: Ակնհայտ է կարողունակությունների, նաև կրթվածության բացը»,- նշեց Իոաննիսյանը՝ հավելելով, որ Ոստիկանությունը ինչ-որ առումով ուռճացված է, իսկ ուռճացված կառույցը չի կարող գործել արդյունավետ:
Իոաննիսյանը, կարևորելով ՆԳՆ վերստեղծումը, նշեց, որ ստեղծվելիք ՆԳՆ-ն էապես տարբերվելու է խորհրդային ժամանակներում կամ 90-ականներին գործած ՆԳՆ-ներից:
«Խնամի-ծանոթ-բարեկամ կապեր ՆԳՆ-ում չպե´տք է լինեն. բարեվարքության ստուգում պետք է անցնեն»,- ընդծեց Իոաննիսյանը:
Մանրամասները՝ տեսանյութում:
