16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Առողջապահական ի՞նչ ծառայություններ են ստանում ՔԿՀ-ներում և ի՞նչ խնդիրներ են արձանագրվում․ ՏԵՍԱՆՅՈՒԹ
12.07.2022 | 12:58
«COVID-19 նոր կորոնավիրուսային հիվանդության ազդեցությունն ազատազրկված կանանց առողջության իրավունքի վրա» թեմայով քննարկման ընթացքում անդրադարձ կատարվեց առողջապահակական ծառայությունների հասանելիությանը ՀՀ ԱՆ «Աբովյան» ՔԿՀ-ում COVID-19 նոր կորոնավիրուսային հիվանդության կանխարգելման նպատակով պայմանավորված սահմանափակումների ժամանակ, ինչպես նաև COVID-19 նոր կորոնավիրուսային հիվանդության կանխարգելմանը:
«Իրավական նախաձեռնությունների կենտրոն» ՀԿ նախագահ Նարե Հովհաննիսյանի դիտարկմամբ՝ ազատազրկված կանայք հիմնականում սոցիալապես անապահով խավերից են և առողջապահական ծառայություններից օգտվելու շատ հնարավորություններ չունեն. «Եվ, ցավոք, ազատազրկման մեջ հայտնվելով, առողջական համալիր հետազոտություն և բուժում ստանալու առաջին հնարավորությունն են ստանում»:
«Ինչ վերաբերում է COVID-19-ով պայմանավորված սահմանափակումներին, որոշ ծառայությունների հասանելիությունը խնդրահարույց է եղել, օրինակ՝ սահմնափակված էր տեղաշարժը, և ՄԻԱՎ-ով մարդիկ պետք է կենտրոն ներկայանային՝ դեղեր ստանալու, դժվարություններ են ունեցել, այդ աշխատանքը այլ կերպ է կազմակերպվել:
«Աբովյան» ՔԿՀ-ում ազատազրկված կանայք կորոնավիրուսային հիվանդության կանխարգելման նպատակով իրականացվող սահմանափակումներով պայմանավորված խնդիրներ չեն ունեցել, կորոնավիրուսով վարակված լինելու դեպքում ամբողջ ծավալով ծառայությունները հասանելի են եղել նրանց համար:
Նշենք, որ «Աբովյան» ՔԿՀ-ում ազատազրկված անձանցից 59-ը կանայք են:
Մանրամասները՝ տեսանյութում:
