16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Բելառուսի անմիջական ներգրավումը պատերազմին քիչ հավանական է․ISW
Քաղաքականություն
12.07.2022 | 15:19
Ալեքսանդր Լուկաշենկոն, հավանաբար, շարունակում է Ռուսաստանին իր երկրի օդային տարածքը տրամադրել՝ միաժամանակ խուսափելով պատերազմում բելառուսական զինված ուժերի անմիջական մասնակցությունից, հայտնում են Պատերազմի ուսումնասիրման ամերիկյան ինստիտուտի (ISW) փորձագետներն իրենց հերթական զեկույցում, գրում է BBC-ի ռուսական ծառայությունը։
Նշվում է, որ Ուկրաինայի Գլխավոր շտաբի գլխավոր օպերատիվ վարչության պետի տեղակալ Ալեքսեյ Գրոմովը հուլիսի 7-ին հայտնել էր, որ Բելառուսի կառավարությունը Գոմելի մարզում գտնվող Պրիբիտկի օդանավակայանը Ռուսաստանին է հանձնել։
Ինչպես գրում է ISW-ն, այս տվյալները կարող են ցույց տալ, որ Լուկաշենկոն փորձում է աջակցություն ցուցաբերել Պուտինի գործողություններին առանց ուղղակի ռազմական միջամտության։ Ավելի վաղ էլ ISW փորձագետները նշել էին, որ պատերազմին Բելառուսի անմիջական մասնակցության հավանականությունը մնում է ցածր՝ պայմանավորված Լուկաշենկոյի ռեժիմի կայունության վրա հնարավոր հետևանքներով:
Էմմա Չոբանյան
