15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Վերցնելու ենք ԱԻՆ-ի հիմքը․ Անդրեասյանը՝ Ներքին գործերի նախարարություն ստեղծելու մասին․ ՏԵՍԱՆՅՈՒԹ
Քաղաքականություն
12.07.2022 | 11:50
«Ներքին գործերի նախարարության ստեղծումը, ուզում եմ հատուկ շեշտել՝ ոչ թե վերաստեղծումը, այլ նոր նախարարության ստեղծումը շատ կարևոր քայլ է մեր երկրի իրավապահ համակարգի համար»,- Ազգային ժողովում Պաշտպանության և անվտանգության հարցերի մշտական հանձնաժողովի նախաձեռնած խորհրդարանական լսումների ժամանակ նշեց ՀՀ արդարադատության նախարար Կարեն Անդրեասյանը:
«Ոստիկանությունը շարունակելու է պահպանել իր շատ կարևոր դերակատարումը, բայց լինելու է սիրտը, մի կարևոր մասը քաղաքացիական կառույցի, քաղաքական կառավարման, որը լինելու է նոր ներքին գործերի նախարարությունը: Մենք մեր միջազգային գործընկերների հետ գտանք լավագույն լուծումը, և մենք զրոյից չենք ստեղծելու նախարարություն, մենք վերցնելու ենք ԱԻ նախարարության հենքը և այնպիսի մոդել ենք առաջարկում, որ լրացուցիչ ծախսեր, լրացուցիչ բեռ չդնի պետության վրա և արդեն եղած ոստիկանության մեծ ներուժը համակցվի եղած քաղաքական մարմիններից մեկի հետ, և կարողանանք ստեղծել մի նոր հետաքրքիր կառույց»,- նշեց Անդրեասյանը՝ հավելելով, որ այս գործում օգնել են միջազգային փորձագետները:
«Ուզում եմ ընդգծել՝ սա ավտոմատ ԱԻՆ-ը ՆԳՆ սարքելու նախագիծ չէ»,- նշեց նախարարը՝ տեղեկացնելով, որ տասնօրյա ժամկետում նախատեսում են օրենսդրական փաթեթի լրամշակում, որից հետո՝ սեպտեմբերին, այն կդրվի Ազգային ժողովի քննարկմանը:
