29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՄԻԵԴ-ը վճռել է, որ Թուրքիան չի կատարել Օսման Քավալային ազատ արձակելու որոշումը
Քաղաքականություն
11.07.2022 | 18:39
Մարդու իրավունքների եվրոպական դատարանի (ՄԻԵԴ) Մեծ պալատն այսօր՝ հուլիսի 11-ին վճռել է, որ Թուրքիան չի կատարել Օսման Քավալային ազատ արձակելու՝ Եվրոպական դատարանի 2019 թվականի որոշումը, գրում են թուրքական լրատվամիջոցները։
Մեծ պալատի վճիռը կայացվել է որպես իրավունքների խախտման մաս, որը հարուցվել էր Եվրախորհրդի Նախարարների կոմիտեի կողմից փետրվարի սկզբին՝ Թուրքիայի կողմից խնդրո վճիռը չկատարելու պատճառով:
Ձայների 16 դեմ, 1 դեմ հարաբերակցությամբ պալատը որոշել է, որ Թուրքիան խախտել է Մարդու իրավունքների եվրոպական կոնվենցիայի 46/1 հոդվածը՝ ՄԻԵԴ որոշումների պարտադիր ուժի մասին։ Թուրքիան 7500 եվրո պետք է վճարի Քավալային դատական ծախսերի համար։
Հավելենք, որ իրավապաշտպան ու բարերար Օսման Քավալան 2017 թվականից ազատազրկված է։ 2019 թվականին Եվրոպական դատարանը վճռել էր, որ Թուրքիան խախտել է ՄԻԵԴ-ի 18-րդ հոդվածը, որն արգելում է դատական իշխանության լիազորությունների չարաշահումը։
Հիշեցնենք, որ ապրիլի 25-ին Քավալան դատապարտվել է ցմահ ազատազրկման՝ «կառավարությունը տապալելու փորձի» համար այն բանից հետո, երբ դատարանը եզրակացրել է, որ նա կազմակերպել և ֆինանսավորել է 2013-ին համազգային հակակառավարական ցույցերը, որոնք հայտնի են որպես Գեզի այգու բողոքի ցույցեր։ Եվս 7 մեղադրյալներ դատապարտվել են 18 տարվա ազատազրկման։
Էմմա Չոբանյան
