13.05.2026 | 17:10
Կմասնակցե՞ն արդյոք քաղաքացիները հունիսի 7-ի ընտրություններին․ ՀԱՐՑՈՒՄ
Անընդհատ մեղավորներ փնտրել ու չտեսնել, որ խնդիրը մշակույթն է ու կրթությունը, փակուղի է․ ապոլիտիկ զրույց Արմեն Մուրադյանի հետ. ՏԵՍԱՆՅՈՒԹ
Հաղորդաշարեր
09.07.2022 | 21:02
Factor TV-ի A-politic հաղորդաշարի հյուրն է Երևանի պետական բժշկական համալսարանի ռեկտոր Արմեն Մուրադյանը: Նրա կարծիքով՝ կորոնավիրուսի բռնկումն առաջ է քաշել մի շարք էթիկական խնդիրներ, որոցից մեկն այն է, թե որն է ավելի կարևոր՝ մարդկային կյանքեր փրկե՞լը, թե՞ տնտեսական փլուզումը կանխելը: ԵՊԲՀ ռեկտորի տեսանկյունից՝ բժշկի համար նման խնդիր գոյություն չունի. մարդը, նրա կյանքն ու առողջությունը պետք է աշխարհի կենտրոնում լինեն, իսկ տնտեսությունը ստեղծվում է մարդկանց կողմից և աշխատում է մարդկանց համար:
Հաղորդման հյուրը վստահ է, որ պետությունը պետք է պայքար մղի ոչ թե աղամանների, այլ ավելցուկային աղի օգտագործման դեմ: Նա վստահ է նաև, որ բացօթյա տարածքներում ծխելն արգելելը խելամիտ չէ, և այդ արգելքն ամենուրեք շրջանցվում է: Պետության պարտականությունն է նաև պայքարել երեխաների կողմից բջջային հեռախոսների այնպիսի օգտագործման դեմ, որը վնասում է նրանց առողջությանը: Այս հարցերում, Արմեն Մուրադյանի կարծիքով, պետք է մեկտեղվեն պետության և հասարակության ջանքերը:
Համավարակի նոր բռնկմանը դիմակայելու առումով ԵՊԲՀ ռեկտորը կարևորում է համապատասխան մշակույթի ձևավորումը: Այդ համատեքստում նա համեմատում է Երկրորդ համաշխարհային պատերազմի ժամանակ գերմանացի գերիների կողմից Երևանում կառուցած ճանապարհը և 1970-80 թվականներին Լենինականում և Սպիտակում կառուցած շենքերը: Սա, ըստ Արմեն Մուրադյանի, վկայում է աշխատանքի մշակույթի շեշտակի տարբերությունների մասին: Մշակույթի զարգացմանը զուգահեռ՝ պետությունն իր վերլուծական կենտրոններով պետք է մշակի համավարակի պարագայում հնարավոր գործողությունների սցենարները՝ սկսած «ամենաազատականից» մինչև «ամենախիստը»:
Մանրամասները՝ տեսանյութում:
