17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
«Սա մեր հողն է»․ Զելենսկին հայտարարել է, որ Ուկրաինան չի ցանկանում իր տարածքներից որևէ մեկը զիջել Ռուսաստանին
Քաղաքականություն
08.07.2022 | 15:03
Ուկրաինայի նախագահ Վլադիմիր Զելենսկին CNN-ի թղթակից Վոլֆ Բլիցերի հետ հարցազրույցում հայտարարել է, որ Կիևը չի ցանկանում իր հողերից որևէ մեկը զիջել ՌԴ-ին և հաստատակամ է՝ ուկրաինական տարածքների զիջումը չի լինի պատերազմը դադարեցնելու դիվանագիտական բանակցությունների մաս:
«Ուկրաինացիները պատաստ չեն հրաժարվել իրենց հողից, ընդունել, որ այդ տարածքները պատկանում են Ռուսաստանին: Սա մեր հողն է։ Մենք միշտ խոսում ենք այդ մասին և մտադիր ենք դա ապացուցել»,- ասել է Զելենսկին։
Ուկրաինայի հետ Ռուսաստանի պատերազմը տևում է ավելի քան չորս ամիս՝ առանց որևէ նշանի, որ կողմերից մեկը շուտով նահանջելու է։
Նախորդ շաբաթ CNN-ը հայտնել էր, որ Սպիտակ տան պաշտոնյաները կորցնում են վստահությունը, որ Ուկրաինան երբևէ կկարողանա հետ վերցնել այն ամբողջ տարածքները, որոնք կորցրել է Ռուսաստանին պատերազմը սկսվելուց ի վեր, նույնիսկ եթե ԱՄՆ-ը և նրա դաշնակիցները նախատեսում են ավելի ծանր և բարդ սպառազինությամբ օգնել։
Զելենսկին նշել է, որ Ռուսաստանը վերահսկում է «գրեթե ամբողջ Լուգանսկի շրջանը»՝ հավելելով, որ իր ուժերն այժմ «կռվում են այդ շրջանի ծայրամասերում»։ Նա հավելել է, որ Կիևը նահանջել է՝ զորքերի զանգվածային կորուստներից խուսափելու համար։
Էմմա Չոբանյան
