17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Չավուշօղլուն հայտնել է, որ Լավրովի հետ քննարկել են հացահատիկի խնդրի լուծման ՄԱԿ-ի մեխանիզմները
Քաղաքականություն
08.07.2022 | 14:31
Թուրքիայի ԱԳ նախարար Մևլութ Չավուշօղլուն հայտարարել է, որ ՌԴ ԱԳ նախարար Սերգեյ Լավրովի հետ Ինդոնեզիայում քննարկել է ՄԱԿ-ի մեխանիզմները՝ հացահատիկային խնդրի լուծման համար, գրում է ՌԻԱ Նովոստին։
«Մենք քննարկել ենք, թե ինչ կարող ենք անել ՄԱԿ-ի առաջարկած մեխանիզմի շրջանակում: Մենք մշտական կապի մեջ ենք ՄԱԿ-ի գլխավոր քարտուղարի, ուկրաինական կողմի հետ այս հարցի շուրջ: Երեկ ես հեռախոսազրույց ունեցա իմ ուկրաինացի գործընկերոջ հետ»,- լրագրողների հետ զրույցում ասել է Չավուշօղլուն:
Նա նաև նշել է, որ եթե Մոսկվան ու Կիևը պայմանավորվեն հացահատիկային խնդրի շուրջ, ապա ստեղծվելու է «անվտանգության գոտի» Ուկրաինայի ջրերից դուրս։
Ավելի վաղ էլ Թուրքիայի պաշտպանության նախարարության ղեկավար Հուլուսի Աքարը հայտնել էր, որ որոշակի առաջընթաց կա Սևծովյան նավահանգիստներից հացահատիկի դուրսբերման հարցում, սակայն կան տեխնիկական հարցեր, որոնք պահանջում են քննարկումներ Ռուսաստանի, Ուկրաինայի և ՄԱԿ-ի հետ։
Հիշեցնենք, որ Լավրովի ու Չավուշօղլուի հանդիպումը տեղի է ունեցել նախօրեին Ինդոնեզիայում ընթացող G20-ի երկրների ԱԳ նախարարների հանդիպման շրջանակում։
Էմմա Չոբանյան
