22.04.2026 | 16:00
ՀՀ դպրոցականները մեդալներ են նվաճել ինֆորմատիկայի միջազգային օլիմպիադայում
Բորելը դատապարտել է Թուրքիայի սադրիչ գործողություններն ու համերաշխություն հայտնել Հունաստանին
Քաղաքականություն
08.07.2022 | 14:08
ԵՄ արտաքին քաղաքականության ղեկավար Ժոզեպ Բորելը դատապարտել է Թուրքիայի սադրիչ գործողությունները՝ համերաշխություն հայտնելով Հունաստանի հետ և նշել, որ Անկարայի դիրքորոշումն անհանգստության աղբյուր է և միջազգային իրավունքի ակնհայտ խախտում, գրում է ekathimerini-ն։
Նա նշել է, որ Եվրահանձնաժողովը պատրաստակամություն է հայտնել աշխատել Թուրքիայի հետ՝ աստիճանաբար, համաչափ կերպով ամրապնդելու համագործակցությունն ընդհանուր շահերի տարբեր ոլորտներում՝ պայմանով, որ Թուրքիան զերծ կմնա հետագա սադրանքներից կամ միակողմանի գործողություններից, որոնք խախտում են միջազգային իրավունքը։
Բորելի խոսքով՝ Բրյուսելը շարունակելու է պահանջել Թուրքիայից՝ դադարեցնել բարիդրացիական հարաբերություններին վնասող բոլոր սպառնալիքներն ու գործողությունները և հարգել ԵՄ անդամ բոլոր երկրների ինքնիշխանությունը իրենց տարածքային ջրերի և օդային տարածքի նկատմամբ։
Հավելենք, որ վերջին շրջանում կտրուկ սրվել են Թուրքիայի և Հունաստանի հարաբերությունները։ Անկարան ռազմատենչ հայտարարություններ է հնչեցնում Աթենքի նկատմամբ։ Բացի այդ, Հունաստանը պարբերաբար Թուրքիային մեղադրում է օդային տարածքի խախտումների համար։
Էմմա Չոբանյան
