06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Վրաստանն առաջարկում է Թբիլիսիում Հայաստանի և Ադրբեջանի պատգամավորների հանդիպում կազմակերպել
Քաղաքականություն
07.07.2022 | 15:26
Բիրմինգեմում ԵԱՀԿ խորհարանական վեհաժողովի վերջին նիստում Վրաստանի խորհրդարանի արտաքին հարաբերությունների հանձնաժողովի նախագահ Նիկոլոզ Սամխարաձեն առաջարկել է Թբիլիսիում Հայաստանի ու Ադրբեջանի պատգամավորների հանդիպում կազմակերպել, գրում են ադրբեջանական լրատվամիջոցները։
«Վրաստանը պատրաստ է Թբիլիսիում կազմակերպել Ադրբեջանի և Հայաստանի խորհրդարանների անդամների հանդիպում՝ խաղաղության երկխոսությանը նպաստելու համար»,- ասել է Սամխարաձեն։
Խոսելով Հարավային Կովկասում կայունության կարևորության մասին՝ վրաց խորհրդարանականը հայտնել է Վրաստանի պատրաստակամությունը՝ կայունացնող դեր խաղալ տարածաշրջանում խաղաղության ապահովման գործում։
«Մենք պատրաստ ենք ընդունել մեր հայ ու ադրբեջանցի գործընկերներին՝ խաղաղության երկխոսությանը նպաստելու համար»,- ասել է նա։
Էմմա Չոբանյան
