10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Հայկական պատվիրակության անդամները հանդիպել են ԳԴՀ տնտեսական համագործակցության և զարգացման նախարարության խորհրդարանական համագործակցության գծով պետքարտուղար Նիլս Աննենի հետ
Քաղաքականություն
06.07.2022 | 15:44
ՀՀ Ազգային Ժողովի Հայաստան-Գերմանիա բարեկամական խմբի պատգամավորների Գերմանիայի Դաշնային Հանրապետություն այցի շրջանակում հուլիսի 4-ին տեղի է ունեցել պատվիրակության անդամների հանդիպումը ԳԴՀ տնտեսական համագործակցության և զարգացման նախարարության խորհրդարանական համագործակցության գծով պետքարտուղար Նիլս Աննենի հետ․ ֆեյսբուքյան գրառմամբ տեղեկացնում է ԱԺ «Քաղաքացիական պայմանագիր» խմբակցության ղեկավար Հայկ Կոնջորյանը։
«Հանդիպման ընթացքում մտքեր փոխանակվեց միջխորհրդարանական համագործակցության խորացման և ժողովրդավարական արժեքների տարածման կարևորության ու անհրաժեշտության մասին: Մատնանշվեց ժողովրդավարության առանցքային դերը տարածաշրջանում անվտանգության և խաղաղության ապահովման գործում:
Հանդիպման անկյունաքարային թեմաներից էր խորհրդարանական կառավարման համակարգում հայ-գերմանական փորձի փոխանակումը, ինչը արդյունք է լինելու միջխորհրդարանական կապերի ընդլայնման և բարձրաստիճան պաշտոնյաների փոխայցերի ակտիվացման:
Նիլս Աննենին հանգամանալից ներկայացվեց Հայաստանում տնտեսական բարեփոխումների և արդյունքների մասին, առաջարկվեց հաջորդիվ արդեն հանդիպումների օրակարգում դնել կոնկրետ ծրագրեր և առաջարկներ:
Անդրանդարձել ենք նաև գիտակրթական ոլորտում հայ-գերմանական համագործակցության խորացման ու ընդլայնման հարցին»,- ասված է հաղորդագրությունում։
