06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Առաջարկվում է սահմանապահ զորքերին ևս բնակարան ստանալու հնարավորություն տալ․ ՏԵՍԱՆՅՈՒԹ
Հասարակություն
06.07.2022 | 15:13
Ազգային ժողովում ընթացող արտահերթ նիստում քննարկվում է «Պաշտպանության մասին» Հայաuտանի Հանրապետության օրենքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը:
Նոր կարգավորումների համաձայն՝ Հայաստանում ռազմաուսումնական հաստատությունն ավարտած և Պաշտպանության նախարարության համակարգում սպայական պաշտոնի նշանակված սպան Երևանում կստանա 3 սենյականոց բնակարան:
«Քաղաքացիական պայմանագիր» խմբակցության պատգամավոր Արմեն Խաչատրյանը նշեց, որ իր գնահատմամբ՝ վերոնշյալ կարգավորումը հեղափոխական կարգավորում է՝ բանակի մեջքն ուղղելու և պաշտպանության ոլորտը պատշաճ մակարդակի բերելու համար:
Պատգամավորն առաջարկեց, որ բնակարան ստանալու հնարավորություն տալ նաև նրանց, ովքեր ռազմաուսումնական հաստատություններ կդիմեն և 20 տարով ԱԱԾ սահմանապահ զորքերում ծառայություն անցկացնելու վերաբերյալ պայմանագիր կկնքեն:
Պաշտպանության նախարար Սուրեն Պապիկյանը պատասխանեց, որ նախկինում դեմ չի եղել, որ սահմանապահ զորքերում ծառայողները ևս կարողանան օգտվել բնակարան ստանալու արտոնությունից. «Բայց հաշվի առնելով ծառայությունների ժամկետների տարբերությունը, հնարավոր չի եղել այս կարգավորումը զետեղել սույն կարգավորման մեջ: Եթե գործնականում հնարավոր կլինի իրավաբանական վարչության հետ գալ ընդհանուր հայտարարի, ինչն այս փուլում բավականին բարդ է, ես դեմ չեմ լինի: Բայց 5-ամյա ծառայությունը 20-ամյա ծառայությանը հավասարեցնելուն միանշանակ դեմ կլինեմ»:
Մանրամասները՝ տեսանյութում:
