14.09.2026 | 10:16
Պատգամավորներ Լիլիթ Գալստյանի, Մեսրոպ Մանուկյանի և փաստաբան Տաթևիկ Սողոյանի ասուլիսը՝ ՈՒՂԻՂ
Վանում թուրք ժանդարմները կրակ են բացել փախստականներին տեղափոխող միկրոավտոբուսի վրա․ տուժածներ կան
Քաղաքականություն
05.07.2022 | 18:36
Թուրքիայի և Իրանի սահմանի մոտ՝ Վան նահանգում թուրք ոստիկանները կրակ են բացել փախստականների տեղափոխող միկրոավտոբուսի ուղղությամբ, գրում են թուրքական լրատվամիջոցները։
Միջադեպի հետևանքով մեկ փախստական սպանվել է, ևս 12-ը՝ վիրավորվել։ Ականատեսները պատմել են, որ մահացածը չորս տարեկան երեխա է։ Որոշ լրատվականներ էլ հայտնում են, որ սպանվել է 3 փախստական։
Վանի նահանգապետարանը միջադեպի առնչությամբ հայտարարություն է տարածել՝ պնդելով, որ ժանդարմերիան կրակ է բացել մեքենայի անվադողերի վրա, քանի որ վարորդը «չի ենթարկվել կանգառի զգուշացումներին»։ Նշվում է, որ միկրոավտոբուսի վարորդը հրաժարվել է կանգ առնել և «քշել է ժանդարմերիայի անձնակազմի վրա»։
Դեպքի ականատեսները պատմել են, որ միկրոավտոբուսի ուղղությամբ արձակվել է 40-50 կրակոց։
«Բացի մահացածից՝ ևս երկու հոգի շատ ծանր վիճակում է։ Ոմանց վիրավորել են ուսից, ոմանց՝ ոտքից»,- պատմել է տեղաբնակներից մեկը։
Միջադեպի մասին խոսել է նաև քաղաքապետ Քեմալ Թոսունը՝ ասելով. «Մեկ մարդ մահացել է, 12-ը՝ վիրավորվել։ Չորս մարդ ծանր վնասվածքներ է ստացել։ Ընդհանուր առմամբ, միկրոավտոբուսում եղել է 52 մարդ։ 22 մարդ փախել է. Ժանդարմերիան երկու անգամ կրակ է բացել․ առաջին փուլում արձակվել է 40-50 կրակոց, նույնքան կրակոցներ են եղել երկրորդ փուլում»։
Էմմա Չոբանյան
