17.01.2026 | 14:14
Հրդեհ Տիչինայի փողոցում
Սահմանադրության 1-ին և 2-րդ հոդվածները հայ ժողովրդի նպատակները պաշտպանում են նույնիսկ հայ ժողովրդից․ ՏԵՍԱՆՅՈՒԹ
Հասարակություն
05.07.2022 | 12:08
Սամանադրության հիմնական և գերագույն նպատակը և շարժառիթը, որով այն ընդունվել է, արտացոլված է Սահմանադրության նախաբանում, և պաշտպանության գործիքները Սահմանադրության 1-ին և 2-րդ անփոփոխելի հոդվածներն են: Սահմանադրական բարեփոխումների հանձնաժողովի և ԱլԳ ՔՀՖ Հայաստանի ազգային պլատֆորմի համատեղ քննարկման ընթացքում այս մասին նշեց փաստաբան, Սահմանադրական բարեփոխումների խորհրդի անդամ Տիգրան Եգորյանը:
«Սահմանադրության 1-ին և 2-րդ հոդվածները հայ ժողովրդի նպատակները պաշտպանում են նույնիսկ հայ ժողովրդից»,- ընդգծեց Եգորյանը։
«Հայ ժողովուրդը, հիմք ընդունելով Հայաստանի անկախության մասին հռչակագրում հաստատագրված հայոց պետականության հիմնարար սկզբունքները և համազգային նպատակները իրականացրած ինքնիշխան պետության վերականգնման իր ազատասեր նախնիների սուրբ պատգամը, նվիրված հայրենիքի հզորացմանը և բարգավաճմանը, ապահովելու համար սերունդների ազատությունը, ընդհանուր բարեկեցությունը, քաղաքացիական համերաշխությունը, հավաստելով հավատարմությունը համամարդկային արժեքներին, ընդունում է Հայաստանի Հանրապետության Սահմանադրությունը»,- ՀՀ Սահմանադրության նախաբանից մեջբերեց Եգորյանը՝ հավելելով, որ այս սկզբունքներն ու նպատակները անքակտելի են դարձնում հայ ժողովրդի սերունդների կապը:
Մանրամասները՝ տեսանյութում:
