17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
1995-ի սահմանադրական լուծումները չաշխատեցին, որովհետև առնետավազք տեղի ունեցավ․ Եգորյան․ ՏԵՍԱՆՅՈՒԹ
Հասարակություն
05.07.2022 | 11:55
«Կա խնդիր. Սահմանադրական բարեփոխումների խորհուրդը դեռևս չի կարողանում բավարար մակարդակով մասնակցայնություն և ներառականություն ապահովել լայն հարթակներում քննարկումներ կազմակերպելու համար: Այս ուղղությամբ մեծ ջանքեր պետք է ձեռնարկենք»,- Սահմանադրական բարեփոխումների հանձնաժողովի և ԱլԳ ՔՀՖ Հայաստանի ազգային պլատֆորմի համատեղ քննարկման ընթացքում այս մասին նշեց փաստաբան, Սահմանադրական բարեփոխումների խորհրդի անդամ Տիգրան Եգորյանը՝ կոչ անելով համագործակցել և հնարավորինս շատ հարթակներ ստեղծել սահմանադրական բարեփոխումների վերաբերյալ քննարկումներ ծավալելու համար:
Անդրադառնալով Սահմանադրության հիմնական առաքելությանը, Եգորյանը նշեց, որ այն հիմնականում 2 գործառույթ ունի. «Առաջին՝ սահմանել, թե ով ես, որտեղից ես գալիս և ուր ես գնում, և երկրորդ՝ սահմանել ճարտարապետությունը, թե ինչպես պետք է իրար հետ հարաբերվեն և աշխատեն մարդիկ, պետական ինստիտուտները, և թե ինչպիսի պրոցեսներ պետք է խթանվեն, և ինչ պրոցեսների միջոցով պետք է հասնել նպատակներին»:
«1995-ի սահմանադրական լուծումները չաշխատեցին, որովհետև առնետավազք տեղի ունեցավ. առնետավազքը արգելանք հանդիսացավ, որը անհրաժեշտ եղավ հաղթահարել արտասահմանադրական միջամտությամբ: Սա չի նշանակում, որ Սահմանադրությունը չաշխատեց, ուղղակի այն պետք էր կամքի ուժի միջոցով պարտադրել, որ գործի»,- ընդգեց Եգորյանը:
Նրա դիտարկմամբ՝ 2005 թ. սահմանադրական հիմնական փոփոխությունը նախագահի իշխանության ամրապնդումն էր. «1995թ. Սահմանադրության 74-րդ հոդվածով նախատեսված հակակշիռների մեխանիզմը քանդվեց 2005-ին երբ առաջնային մանդատով ընտրված ԱԺ-ն ստորադասվեց կառավարության քվեին, այսինքն՝ Կառավարությանը վստահություն չհայտնելու դեպքում ԱԺ-ն ցրվում է. սրանով Ռոբերտ Քոչարյանն ուժեղացրեց իր՝ նախագահի իշխանությունը»:
Մանրամասները՝ տեսանյութում:
