16.05.2026 | 18:16
ՀՀ ԱԳ փոխնախարարը Քիշնևում անդրադարձել է արտաքին տեղեկատվական միջամտությունների սպառնալիքներին
Ով կղեկավարի ԲԴԽ-ն՝ մինչ նոր նախագահի ընտրությունը
Քաղաքականություն
04.07.2022 | 16:29
Factor TV-ն հայտնել էր, որ ՀՀ Բարձրագույն դատական խորհրդին այսօր չի հաջողվել նոր նախագահ ընտրել։ Սահմանված կարգի համաձայն՝ տեղի է ունեցել ընտրության երկու փուլ, որոնց արդյունքներով ԲԴԽ գիտնական-անդամներից որևէ մեկը բավարար թվով ձայներ չի ստացել։
Դատական օրենսգրքի 84-րդ հոդվածի համաձայն՝ եթե ԲԴԽ անդամներին չի հաջողվում նախագահ ընտրել, լիազորությունները կատարում է Խորհրդի ամենատարեց անդամը։ Այս դեպքում ստացվում է, որ ԲԴԽ նախագահի պարտականությունները պետք է կատարի Ստեփան Միքայելյանը, սակայն Factor.am-ի տեղեկություններով Ստեփան Միքայելյանն, այդուհանդերձ, չի ցանկանում ստանձնել ժամանակավոր պաշտոնակատարի լիազորությունները։ Նշենք, որ որպես ԲԴԽ անդամ նրա պաշտոնավարման ավարտին մնացել է մեկ տարի։
