27.02.2026 | 23:31
Ստեփանծմինդա-Լարս ավտոճանապարհը փակ է
Իրանը նվազեցրել է նավթի գները՝ Չինաստանում Ռուսաստանի հետ մրցակցելու համար
Քաղաքականություն
04.07.2022 | 16:21
Իրանը մեծացրել է արտահանվող նավթի զեղչի չափը՝ պայմանավորված առանցքային հանդիսացող շուկայում՝ Չինաստանում Ռուսաստանի հետ մրցակցությամբ։ Այս մասին հայտնում է Bloomberg-ը՝ թրեյդերներին հղումով։
Նավթի Iranian Light և Iranian Heavy տեսակները վաճառվում են մեկ բարելը շուրջ 10 դոլար ավելի էժան, քան Brent-ի ֆյուչերսները։ Սա 4-5 դոլարով ավելի էժան է Ուկրաինայի դեմ Ռուսաստանի պատերազմից առաջ գների համեմատ: Այսպիսով, իրանական նավթի գինը մոտավորապես համեմատելի է օգոստոսին ռուսական Urals-ի մատակարարման պայմանագրերի գնի հետ։
Գործակալությունը նշում է, որ Չինաստանը դարձել է ռուսական և իրանական նավթի առանցքային ներկրողներից մեկը այն բանից հետո, երբ այդ երկրները հայտնվեցին Արևմուտքի պատժամիջոցների տակ։ Միևնույն ժամանակ, Չինաստանում տնտեսական ակտիվության վերականգնումը կորոնավիրուսային արգելափակումներից հետո խոստանում է վառելիքի պահանջարկի ուժեղ աճ։ Սա հանգեցնում է Իրանի և Ռուսաստանի միջև մրցակցության Չինաստանում։
Տաթև Ֆռանգյան
