09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիայում գնաճի պաշտոնական մակարդակը հասել է վերջին 24 տարվա առավելագույնին՝ շուրջ 79 տոկոսի
Քաղաքականություն
04.07.2022 | 17:03
Թուրքիայում գնաճը հունիսին հասել է երկու տասնամյակի առավելագույնին՝ 78,62 տոկոսի։ Այս մասին են վկայում Թուրքիայի վիճակագրական ինստիտուտի հրապարակած տվյալները, գրում են տեղական լրատվամիջոցները։
Նշվում է, որ սա ամենաբարձր ցուցանիշն է 1998 թվականի սեպտեմբերից ի վեր, երբ Թուրքիան պայքարում էր՝ վերջ տալու տասնամյա բարձր գնաճին:
Սպառողական գներն էլ ամսական կտրվածքով աճել են 4,95 տոկոսով։
Իսկ ահա անկախ Inflation Research Group-ի ոչ պաշտոնական տվյալների համաձայն՝ հունիսին Թուրքիայում սպառողական գների տարեկան աճը կազմել է 175,55 տոկոս, ինչը շատ ավելի բարձր է, քան պաշտոնական պնդումներն են: ENAG-ը նաև նշում է, որ հունիսին Թուրքիայում գներն ամսական կտրվածքով աճել են 8,31 տոկոսով։
Հավելենք, որ Թուրքիայում գնաճը սկսել է անցյալ տարվա աշնանից, երբ լիրան կտրուկ արժեզրկվեց Կենտրոնական բանկի կողմից հիմնական տոկոսադրույքի աստիճանական նվազեցումից հետո։
Էմմա Չոբանյան
