22.04.2026 | 16:00
ՀՀ դպրոցականները մեդալներ են նվաճել ինֆորմատիկայի միջազգային օլիմպիադայում
Էրդողանը հավանական է համարում Սիրիայում թուրքական նոր ռազմական գործողության հանկարծակի մեկնարկը
Քաղաքականություն
01.07.2022 | 16:39
Թուրքիան աշխատում է Սիրիայի հյուսիսում ռազմական գործողության անցկացման ուղղությամբ, ամեն ինչ կարող է հանկարծակի տեղի ունենալ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը ՆԱՏՕ-ի գագաթնաժողովից վերադառնալիս լրագրողների հետ զրույցում, գրում են թուրքական լրատվամիջոցները։
«Ես այդ թեմայով հայտարարություն ունեմ։ Մենք կարող ենք մի գիշեր հանկարծակի գալ։ Պետք չէ շտապել։ Մենք արդեն աշխատում ենք այդ ուղղությամբ հենց հիմա։ Գիտեք, որ մենք ունենք գործեր Իրաքի հյուսիսում՝ մի կողմից, մյուս կողմից՝ Աֆրինում՝ Սիրիայի հյուսիսում և այդպես շարունակ։ Եթե մենք մի փոքր համբերություն ցուցաբերենք, հուսով եմ, որ ամենահզոր կերպով գործողություններ կիրականացնենք, երբ ժամանակը գա»,- ասել է Էրդողանը։
Հավելենք, որ Մադրիդում կայացած ՆԱՏՕ-ի գագաթնաժողովի շրջանակում Էրդողանը հանդիպել է ԱՄՆ նախագահ Ջո Բայդենին, որի ընթացքում քննարկվել է նաև Սիրիայում կայունության պահպանման անհրաժեշտությունը։
Ավելի վաղ էլ Վաշինգտոնն ու Մոսկվան տարբեր հայտարարություններով դեմ են արտահայտվել Թուրքիայի կողմից Սիրիայում նոր գործողություն իրականացնելուն։
Էմմա Չոբանյան
