10.10.2026 | 11:33
Արտարժույթների փոխարժեքները՝ հոկտեմբերի 10-ի դրությամբ
Շվեդիան պնդում է, որ Թուրքիայի պահանջած անձանց արտահանձնման որոշումները կայացնելու են անկախ դատարանները
Քաղաքականություն
01.07.2022 | 14:24
Շվեդիան պնդում է, որ ցանկացած որոշում՝ կապված ենթադրյալ քուրդ զինյալների կամ ռազմական հեղաշրջման կազմակերպիչների՝ Թուրքիային արտահանձնման որոշումները կայացնելու են անկախ դատարանները, գրում է AFP-ն։
«Շվեդիայում շվեդական օրենսդրությունը կիրառվում է անկախ դատարանների կողմից: Շվեդիայի քաղաքացիները չեն արտահանձնվում: Ոչ շվեդ քաղաքացիները կարող են արտահանձնվել այլ երկրների խնդրանքով, բայց միայն այն դեպքում, եթե դա համատեղելի է շվեդական օրենսդրության և Եվրոպական կոնվենցիայի հետ»,- լրատվամիջոցի հարցմանն ի պատասխան՝ ասել է Շվեդիայի արդարադատության նախարար Մորգան Յոհանսոնը։
Հավելենք, որ Թուրքիայի արդարադատության նախարար Բեքիր Բոզդաղը նախօրեին հայտարարել էր, որ Անկարան Շվեդիայից և Ֆինլանդիայից սպասում է 33 անձի՝ «ահաբեկչության մեկ կասկածվող քրդերի և գյուլենականների արտահանձնմանը», որոնց հարցով վաղուց է դիմել այդ երկրներին։
Իր հայտարարության մեջ Յոհանսոնը պնդում է, որ Շվեդիայի Գերագույն դատարանն է, որը «կատարում է այդ քննությունը և ունի վետոյի իրավունք»։
«Այդ համակարգը դեռ գործում է: Համաձայնագրում հստակ նշված է, որ մենք հետևում ենք արտահանձնման մասին եվրոպական կոնվենցիային, որը Շվեդիան, Ֆինլանդիան և Թուրքիան ստորագրել են»,- ասել է պաշտոնյան։
Հավելենք, որ Թուրքիան հրաժարվել է Շվեդիայի և Ֆինլանդիայի՝ ՆԱՏՕ-ին անդամակցության հարցով իր առարկություններից։ Երեք երկրների միջև համապատասխան հուշագիր է ստորագրվել։
Էմմա Չոբանյան
