09.10.2026 | 17:52
Գոյություն չունեցող ընկերությունները հաղթել են 80 մրցույթում և խափանել 3,2 մլրդ դրամի գնումներ․ ՊՎԾ
ԵԱՀԿ-ն քայլեր է նախաձեռնել՝ փակելու ծրագրի համակարգողի գրասենյակը Ուկրաինայում
Քաղաքականություն
01.07.2022 | 15:25
ԵԱՀԿ-ն քայլեր է նախաձեռնել՝ փակելու դիտորդական ծրագրի համակարգողի գրասենյակը Ուկրաինայում։ Այս մասին հայտարարել են կազմակերպության գործող նախագահ, Լեհաստանի արտգործնախարար Զբիգնև Ռաուն և ԵԱՀԿ գլխավոր քարտուղար Հելգա Մարիա Շմիդտը։
«Ցավոք, չնայած մասնակից երկրների ճնշող աջակցությանը՝ կոնսենսուս ձեռք չբերվեց մանդատի երկարաձգման հարցում՝ շարունակելու այն կարևոր աշխատանքը, որը ծրագրի համակարգողը կատարում է արդեն 23 տարի՝ պայմանավորված Ռուսաստանի Դաշնության դիրքորոշմամբ»,- ասել է Ռաուն, որի խոսքերն է մեջբերում ԵԱՀԿ կայքը։
ԵԱՀԿ հատուկ դիտորդական առաքելությունը սկսել է աշխատել Ուկրաինայում 2014 թվականից։ Առաքելության ներկայիս մանդատը մարտի վերջին չերկարաձգվեց՝ պայմանավորված Ռուսաստանի դիրքորոշմամբ, որը հրաժարվեց աջակցել կոնսենսուսային որոշմանը։
Մարտի սկզբին ԵԱՀԿ գլխավոր քարտուղարը հայտարարեց Ուկրաինայից գրեթե 500 դիտորդների տարհանման մասին՝ փետրվարի 24-ին Ռուսաստանի հատուկ ռազմական գործողության մեկնարկից հետո:
Տաթև Ֆռանգյան
