23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Սաբոտաժի մեխանիզմ է ուշացած արդարադատությունը․ ներքին գործընթացներ են տեղի ունենում․ Արսենյանը՝ Վարդապետյանին․ ՏԵՍԱՆՅՈՒԹ
Քաղաքականություն
29.06.2022 | 16:00
Ազգային ժողովում շարունակում է քննարկվել ՀՀ գլխավոր դատախազի ընտրության հարցը։
ԱԺ «Քաղաքացիական պայմանագիր» խմբակցության պատգամավոր Գուրգեն Արսենյանն անդրադարձավ երկրի ներսում խաղաղության օրակարգի կարևորությանը՝ այն համարելով գերնպատակ, որին պետք է ձգտել: «Այդ խնդրի իրականացման ճանապարհին մենք ունենք կատաղի դիմադրություն երկրի ներսում»,- նշեց Արսենյանը:
Անդրադառնալով դատախազության գործունեությանը՝ պատգամավորը նշեց, որ իր դիտարկմամբ՝ միշտ դատախազությունը ներկայացվել է որպես պետական շահերի պաշտպան:
«Մինչդեռ եթե դատախազը հանդես գա որպես հասարակության շահերի պաշտպան, բոլորը կշահեն դրանից: Դատախազությունը պետք է կանգնի մարդու կողքին. պետք է հասկանանք, որ այն մարդու համար պայքարող համակարգ է, և դա ավելի մեծ արդյունք կտա»,- կարծիք հայտնեց Արսենյանը:
Անդրադառնալով հովանավորչության խնդրին՝ պատգամավորը նշեց, որ, լինելով ոչ իրավաբան, հետևելով մի քանի դատական գործերի, նկատել է՝ «ականջներից քաշած» մեղադրանք է սարքած:
Անդրադառնալով ուշացած արդարադատության խնդրին, Արսենյանը որակեց որպես ներքին սաբոտաժ. «Այդ մեխանիզմով էլ են անում գործողություններ, որոնք բերում են հասարակության շահերից չբխող արդյունքների: Ուշացած արդարադատությունը սաբոտաժի մեխանիզմ է, որը, իմ կարծիքով, բարեհաջող կիրառվեց վերջին տարիներին դատախազության կողմից»:
Մանրամասները՝ տեսանյութում:
