17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Կմախքներ ունեցել ենք արդարադատության համակարգում․ անմեղ անձինք ճանաչվել են դավաճան․ Վարդանյան․ ՏԵՍԱՆՅՈՒԹ
Հասարակություն
29.06.2022 | 15:46
Ազգային ժողովում շարունակում է քննարկվել ՀՀ գլխավոր դատախազի ընտրության հարցը։
«Դուք ստանձնում եք արդարադատություն իրականացնելու ոլորտում հանրության կողմից արդարադատության պահանջ ներկայացնողի դերը, և ես շատ կուզեմ, որ մեր հանրությունում դատախազն ընկալվի որպես արդարադատություն պահանջող. ոչ թե պատժող, այլ արդարադատություն վերականգնող, ոչ թե որպես դահիճ, այլ որպես սատարող»,- այս մասին ԱԺ ամբիոնից դիմելով գլխավոր դատախազի թեկնածու Աննա Վարդապետյանին՝ նշեց ԱԺ «Քաղաքացիական պայմանագիր» խմբակցության պատգամավոր, Պետական-իրավական հարցերի մշտական հանձնաժողովի նախագահ Վլադիմիր Վարդանյանը:
«Մեզ պետք չէ սոսկ ֆորմալ արդարադատություն, մեզ պետք է բովանդակային արդարադատություն, երբ անձն իրապես կզգա պետության և՛ պատժիչ բռունցքը, և՛ հոգատարությունը միաժամանակ»,- նշեց պատգամավորը:
Նրա դիտարկմամբ՝ արդարադատության համակարգում առկա են եղել «կմախքներ». «Եղել են ժամանակահատվածներ, երբ անմեղ անձինք անանուն նամակի հիման վրա ճանաչվել են պետական դավաճան և կրել են պատիժ»:
Պատգամավորը գլխավոր դատախազի թեկնածուին հորդորեց չառաջնորդվել «Ընկերներին՝ ամեն ինչ, թշնամիներին՝ օրենք» սկզբունքով:
Մանրամասները՝ տեսանյութում:
