16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Իմ ուսը հենման կետ է եղել տաղանդավոր աղջկա համար. սա իմ փոքր «կապրիզն է». դատախազի թեկնածու․ ՏԵՍԱՆՅՈՒԹ
Հասարակություն
29.06.2022 | 15:15
Ազգային ժողովում շարունակում է քննարկվել ՀՀ գլխավոր դատախազի ընտրության հարցը։ «Քաղաքացիական պայմանագիր» խմբակցությունը գլխավոր դատախազի պաշտոնում առաջադրել է Աննա Վարդապետյանի թեկնածությունը:
«Տիկի՛ն Վարդապետյան, հավանականությունը շատ մեծ է, որ կընտրվեք գլխավոր դատախազ: Որպես առաջին կին դատախազ պետք է պատրաստ լինեք նրան, որ հաճախ կշեշտեն նաև Ձեր սեռը: Կարծում եմ՝ Դուք դա կանանց նկատմամբ կարծրատիպերի հաղթահարմանն ի նպաստ պետք է օգտագործեք»,- նշեց «Քաղաքացիական պայմանագիր» խմբակցության պատգամավոր Զարուհի Բաթոյանը:
Պատգամավորը նաև նկատեց, որ ընտանեկան բռնության կանխարգելման և զոհերի պաշտպանության առումով օրենսդրական բացեր կան և հետաքրքվեց, թե դատախազն ինչ դեր կարող է ունենալ այդ ոլորտում բարեփոխումներ իրականացնելու առումով:
Աննա Վարդապետյանը վստահեցրեց, որ երբ սկսել է աշխատել և կադրային քաղաքականություն վարելու հնարավորություն է ունեցել, իր ուսը միշտ հենման կետ է եղել տաղանդավոր աղջկա համար. «Սա իմ փոքր «կապրիզն է», որը ես ինձ թույլ եմ տալիս, իհարկե, ոչ ի հաշիվ պրոֆեսիոնալիզմի»:
Ինչ վերաբերում է ընտանեկան բռնությանը, գլխավոր դատախազի թեկնածուն նշեց. «Անհրաժեշտ է մտածել գլխով, բայց սրտին մոտիկ ընդունել. ընտանեկան բռնությունն այնքան զգայուն հարց է, որ միայն սրտացավ վերաբերմունքով ու հետևողականությամբ կարող ես խնդիրը լուծել»:
Մանրամասները՝ տեսանյութում:
