14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Իրավական անորոշությունների շղթան 2018 թվականից հետո էլ շարունակվում է․ Հայկ Մարտիրոսյան․ ՏԵՍԱՆՅՈՒԹ
29.06.2022 | 12:35
«Կառուցապատման և հանքարդունաբերության ծրագրերի իրականացման շրջանակներում հանրային ամբողջական շահը հաշվի չի առնվում»,- այս մասին «Իրավունքի գերակայություն» իրավապաշտպան ՀԿ-ի կազմակերպած «Փաստահավաք հանձնաժողովի և գերակա հանրային շահի հիման վրա խախտված իրավունքների վերականգնման հնարավորությունները» թեմայով քննարկման ժամանակ նշեց փաստաբան Հայկ Մարտիրոսյանը:
«Այսօր դիտարկելով կառուցապատման համակարգը, տեսնում ենք, որ կառուցապատման այդ խտությունն ուղղակի ավերելու է Կենտրոն համայնքը: Դա ուղղակի հանգեցնելու է աղետի: Տեսեք՝ ինչ է կատարվում Երևան քաղաքում. իրավական անորոշությունների մի շղթա է, որը շարունակվում է նաև 2018 թվականից հետո… Այսօր Երևանը չունի կառուցապատման հատակագիծ, այսինքն՝ չկա կոնկրետ նշում, թե որտեղ կարելի է բարձրահարկ կառուցել, որտեղ միայն առանձնատներ: Պետությունն ի վիճակի չէ նման խնդիր լուծել գործող իրավական քաղաքականության շրջանակներում: Քանի դեռ հանրային գլոբալ շահի տեսանկյունից խնդիրը չի կարգավորվում, մենք ունենալու ենք շարունակվող շղթա և բախվելու ենք նաև անհատական սեփականութան իրավունքի խնդրների հետ»,- նշեց փաստաբանը:
Մանրամասները՝ տեսանյութում:
