23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Ստացել եմ հանձնարարություն՝ «սևազգեստ մայրերի» խնդիրներով 8 գործ ուսումնասիրել․ Վարդապետյան․ ՏԵՍԱՆՅՈՒԹ
Հասարակություն
29.06.2022 | 12:24
ՀՀ ԱԺ «Քաղաքացիական պայմանագիր» խմբակցությունը, առաջնորդվելով ՀՀ Սահմանադրությամբ, «Ազգային ժողովի կանոնակարգ» սահմանադրական օրենքով, գլխավոր դատախազի պաշտոնում առաջադրել է Աննա Կարենի Վարդապետյանի թեկնածությունը:
Գլխավոր դատախազի թեկնածու Աննա Վարդապետյանն ԱԺ-ում իր ելույթում խոսեց մինչդատական վարույթում առկա խնդիրների մասին:
«Քաղաքացիական պայմանագիր» խմբակցության պատգամավոր Գևորգ Պապոյանը նշեց, որ իրապես կան խնդիրներ և դատական համակարգի խնդիրներին և հետաքրքրեց, թե ընտրվելու դեպքում ինչպես է պատրաստվում խուսափել այդ խնդիրներից, ինչ լուծման ուղիներ է տեսնում:
«Իմ բարձրաձայնած յուրաքանչյուր խնդրի վերաբերյալ ես ունեմ լուծման մեխանիզմներ, միշտ չէ, որ դրանք բացառապես օրենսդրական են կամ իրավական, շատ հաճախ դրանք կազմակերպական են, գործնական են և շատ հաճախ դա ուղղակի տեսանկյունի փոփոխությունն է»,- նշեց Վարդապետյանը:
Վարդապետյանը նաև նշեց, որ ստացել է հանձնարարություն՝ «սևազգեստ մայրերի» խնդիրներով 8 գործ ուսումնասիրել, և դրանցից 4-ի ուսումնասիրությունն իրեն հույս է ներշնչել, որ անգամ 15 տարի վաղեմության գործով այսօր հնարավոր է արձանագրել, որ ունեցել ենք նախաքննության բացթողում կամ ունեցել ենք օբյեկտիվորեն անհնար բացահայտվող գործ. «Բայց այդ հարցը կունենա պատասխան, և չի լինի վերք, որը տարիներ շարունակ արնահոսում է, և չի լինի արդարադատություն, ոը մենք չենք իրականացրել, գործն ուղարկել ենք Ստրասբուրգ, հույս ունենալով որ այնտեղից ինչ որ բան կգա»:
Մանրամասները՝ տեսանյութում:
