16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Գյումրիում ՌԴ հյուպատոսն ընդունել է գերիների հարազատներին․ վերջիններս դժգոհ են մնացել
Հասարակություն
28.06.2022 | 14:35
Գյումրիում Ռուսաստանի Դաշնության հյուպատոսը քիչ առաջ ընդունել է Խծաբերդում գերեվարվածների հարազատներին, որոնք վաղ առավոտից բողոքի ակցիա էին անցկացնում հյուպատոսարանի շենքի դիմաց՝ պահանջելով հանդիպում նրա հետ։
Հարազատները նշում էին, որ իրենց որդիները գերեվարվել են ռուս խաղաղապահ ուժերի տեղակայման տարածքներում, հետևաբար ՝ ռուսական կողմը պիտի պարտավորվի անհապաղ լուծել նրանց հայրենադարձման հարցը։
Գերիների հարազատները 6 հոգանոց խումբ կազմեցին, որից մեկը թարգմանիչն էր ու հանդիպեցին հյուպատոսի հետ։ Հանդիպումից հետո առանց մանրամասներ ներկայացնելու մեզ փոխանցեցին, որ հյուպատոսի պատասխանը իրենց չի գոհացրել։
Արմիկ Մովսիսյան
