07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Թուրքիայում ձերբակալել են Մարմարիսում անտառային հրդեհների բռնկման հետ կապված կասկածյալին
Քաղաքականություն
24.06.2022 | 18:08
Թուրքական ոստիկանությունը ձերբակալել է երկրի հարավ-արևմուտքում անտառային հրդեհներ բռնկման հետ կապված կասկածյալին՝ մինչ հրշեջները շարունակում են պայքարել հրդեհի դեմ ցամաքում և օդում, գրում են թուրքական լրատվամիջոցները։
Նշենք, որ թուրքական Մարմարիսում անտառային հրդեհը շարունակվում է արդեն 4-րդ օրը։ Նշվում է, որ տեղի բնակիչներից մեկը խոստովանել է, որ ինքն է հրդեհել անտառը։ Նա ձերբակալվել է ոստիկանության կողմից։
Հավելենք, որ անցյալ տարի Թուրքիայում տեղի ունեցած անտառային հրդեհները ոչնչացրել էին հարյուրավոր հեկտար անտառներ։ Մուղլա նահանգը, որտեղ այժմ հրդեհներ են, նախորդ տարվա հրդեհից ամենաշատ տուժած շրջաններից էր։
Էմմա Չոբանյան
