16.01.2025 | 09:30
Վայոց ձորի, Արագածոտնի մարզերում և Անիի տարածաշրջանում ձյուն է տեղում
Ոչ թե քննչական մարմինների խնդիրն է, այլ քաղաքական կամքի․ փաստաբանը՝ խոշտանգման գործերի մասին․ ՏԵՍԱՆՅՈՒԹ
Հասարակություն
24.06.2022 | 13:25
«Խնդիրը հմնականում ոչ թե առաջանում է վարույթի իրականացման փուլում և կապված է քննչական մարմինների հետ, այլ դա քաղաքական կամքի խնդիր է. այսինքն՝ արդյո՞ք պետությունն ուզում է, որ ՀՀ-ում խոշտանգումներ լինեն, թե ոչ»,- այս մասին նշեց «Հելսինկյան ասոցիացիա» ՀԿ փաստաբան Արա Ղարագյոզյանը՝ «Խոշտանգողները Հայաստանում շարունակում են անպատի՞ժ մնալ» թեմայով քննարկման ժամանակ անդրադառնալով դիտարկմանը, որ խոշտանգման դեպքերով 133 գործ կարճվել է, 45-ը՝ մերժվել:
Փաստաբանի դիտարկմամբ՝ եթե քննվում է խոշտանգման գործ, պետք է հնարավորինս արագ քննել և գործն արագորեն ուղարկել դատարան: Ղարագյուզյանի խոսքով՝ քաղաքական կամքի բացակայությունը խնդիրներ է առաջացնում. «Եթե պետությունում առկա լիներ այդ քաղաքական կամքը, քննչական մարմիներն ու դատախազությունն էլ խոշտանգումների նկատմամբ 0 հանդուրժողականություն կցուցաբերեին: Բայց այսօր դատական համակարգը հանդուրժող է խոշտանգումների նկատմամբ, գործերն ուղարկում են դատարան, դատարանները լիազորությունների անցում են որակում. այսինքն՝ երբ հիմա դիտարկում ես դատական, քննչական պրակտիկան, ակնհայտ է դառնում, որ դատական համակարգում, նույնն է կատարվում, ինչ 10 տարի առաջ»:
Մանրամասները՝ տեսանյութում:
