08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Ադրբեջանն ու Ռուսաստանը պատրաստվում են փաստաթղթեր ստորագրել տրանսպորտի ոլորտում համագործակցության ընդլայնման վերաբերյալ
Քաղաքականություն
23.06.2022 | 19:25
Ադրբեջանն ու Ռուսաստանը նախատեսում են ստորագրել մի շարք միջկառավարական փաստաթղթեր, որոնք ուղղված են տրանսպորտի ոլորտում համագործակցության ընդլայնմանը։ Այս մասին «Ինտերֆաքսի» ադրբեջանական ծառայությանը հայտնել է Ադրբեջանի կառավարության աղբյուրը։
Ադրբեջանի Թվային զարգացման և Տրանսպորտի նախարարություններին ու ՌԴ Տրանսպորտի նախարարությանը հանձնարարվել է կարճ ժամանակում պատրաստել և համաձայնեցնել փոխըմբռնման հուշագրի նախագիծը տրանսպորտի և տարանցման ոլորտում։
«Ավտոմոբիլային տրանսպորտի խառը հանձնաժողովն իր հերթին նիստ կանցկացնի, որի շրջանակում կքննարկվի փոխանակվող թույլտվությունների ձևաթղթերի քվոտայի ավելացման հարցը»,- ընդգծել է նա։
Աղբյուրի խոսքով՝ գործող պայմանագրերի համաձայն՝ ռուսական կողմն Ադրբեջանին կտրամադրի 3․000 թույլտվություն երրորդ երկրներ փոխադրման համար (50 տոկոսը՝ դեպի Իրան)։ Իր հերթին, Ադրբեջանը ռուսական կողմին կտրամադրի 14․000 թույլտվության ձևեր՝ տարանցիկ երթևեկության համար և 5․000 թույլտվության ձևեր՝ երկկողմանի և տարանցիկ փոխադրումների համար։
«Բացի այդ, օրակարգում ընդգրկված է միջազգային ավտոմոբիլային բեռնափոխադրումների թույլտվությունների ձևաթղթերի փոխանակման ընթացակարգի պարզեցման հարցի քննարկում՝ նորարարական տեխնոլոգիաների կիրառմամբ, որոնք հնարավորություն կտան ապագայում թղթային թույլտվությունների ձևաթղթերը վերածել էլեկտրոնայինի»,- ասել է աղբյուրը։
Էմմա Չոբանյան
