09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Թուրքիան ավելի է հեռացել ԵՄ-ին անդամակցությունից․ Ուրսուլա ֆոն դեր Լյայեն
Քաղաքականություն
22.06.2022 | 21:09
Եվրահանձնաժողովի նախագահ Ուրսուլա ֆոն դեր Լյայենը հայտարարել է, որ Թուրքիան այժմ ավելի հեռու է ԵՄ-ից՝ համեմատած այն իրավիճակի հետ, որ կար քառորդ դար առաջ։ Այս մասին նա ասել է մի ամսագրերի, այդ թվում՝ ekathimerini-ին տված հարցազրույցում։
Մեկնաբանելով Ռուսաստանի դեմ եվրոպական պատժամիջոցները չկիրառելու՝ Թուրքիայի նախագահ Ռեջեփ Թայիփ Էրդողանի ընտրությունը՝ ֆոն դեր Լյայենը նշել է, որ միասնականությունը կարևոր է անդամակցության գործընթացում։ Նա հավելել է, որ Անկարայի դժկամությունը շատ բան է ցույց տալիս Եվրամիությանն անդամակցելու նրա պատրաստակամության մասին։
Ավելին, համեմատելով 1999 թվականից ի վեր Թուրքիայի և Սլովակիայի ընթացքը՝ նա ասել է, որ «Թուրքիան այսօր ավելի հեռու է, քան 1999 թվականին էր»:
Եվրահանձնաժողովի նախագահն նաև ասել է, որ «ԵՄ-ին միանալու գործընթացը հիմնված է արժանիքների վրա, հետևաբար՝ այն գտնվում է դիմող երկրի ձեռքում»:
Էմմա Չոբանյան
