19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
ԱՄՆ-ը ցանկանում է սահմանափակել նավթի համաշխարհային գները
Քաղաքականություն
21.06.2022 | 22:02
Միացյալ Նահանգները բանակցություններ է վարում բարեկամ երկրների հետ՝ նավթի գնի շեմ սահմանելու համար՝ Ռուսաստանի նավթային եկամուտները կրճատելու և «գլոբալ տնտեսության համար բացասական հետևանքները կանխելու համար»։ Այս մասին Կանադա կատարած այցի ժամանակ ասել է ԱՄՆ ֆինանսների նախարար Ջանեթ Յելենը, փոխանցում է DW-ի ռուսական ծառայությունը։
Ըստ նրա՝ խոսքը գնային շեմ սահմանելու կամ գնային բացառության մասին է, որը միանգամից մի քանի արդյունքի կհասցնի․ ավելացնել Արևմուտքի պատժամիջոցները ռուսական էներգակիրների դեմ և նվազեցնել ռուսական նավթի գինը՝ դրանով իսկ նվազեցնելով Ռուսաստանի կառավարության եկամուտները, միաժամանակ, ավելացնելով նավթի ծավալը համաշխարհային շուկայում։
ԱՄՆ ֆինանսների նախարարը կարծում է, որ նավթի գնի սահմանափակումը նաև կկանխի «ցածր եկամուտ ունեցող և զարգացող երկրների համար արտանետվող հետևանքները», որոնք ներկայում տուժում են էներգիայի և պարենի բարձր գներից։
Տաթև Ֆռանգյան
