16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ռոբերտ Քոչարյանը պրծում չունի․ պիտի գա և պատասխան տա՝ Մարտի 1-ի գործի անջատված մաս կա․ Սեդա Սաֆարյան․ ՏԵՍԱՆՅՈւԹ
Քաղաքականություն
21.06.2022 | 21:47
Արթուր Դավթյանի փոխարեն Գլխավոր դատախազի պաշտոնում կառավարող ՔՊ-ն առաջադրել է Նիկոլ Փաշինյանի օգնական Աննա Վարդապետյանի թեկնածությունը։ Հա՛տկապես «Մարտի 1»-ի գործի ընթացքն է դժգոհությունների առարկա դարձել, երբ Քոչարյանին և մյուսներին առաջադրված հոդվածը հակասահմանադրական ճանաչվեց։
Գործով փաստաբան Սեդա Սաֆարյանը գտնում է, որ Դատախազությունը թերի մեղադրանք է առաջադրել «Մարտի 1»-ի գործով մեղադրյալներին։ Ըստ նրա՝ անհրաժեշտ էր առաջադրել այլ հոդվածներով մեղադրանքներ ևս՝ բացի սահմանադրական կարգի տապալումը, ինչպիսին է օրինակ՝ հանցավոր համագործակցության խմբի ձևավորումը։
FactorTV-ի հարցազրույցում փաստաբան Սեդա Սաֆարյանն ասում է, որ նոր գլխավոր դատախազից ունի ակնկալիքներ, հատկապես՝ «Մարտի 1»-ի գործով։
«Մարտի 1-ի գործով անջատված մաս կա, որը ևս շատ կարևոր է, թեև մենք շատ չենք կարևորել և մոռացության ենք տվել այդ գործը՝ Չերյոմուխա կիրառողների․․․ վերևից ներքև՝ էլի ես կարծում եմ՝ Ռոբերտ Քոչարյան, Հայկ Հարությունյան՝ մինչև ստորադաս․․․ Ոնց հասկանում եմ՝ Ռոբերտ Քոչարյանը պրծում չունի այս պատմությունից, պիտի գա ու պատասխան տա նաև այնտեղ»։
Սեդա Սաֆարյանն ասաց, որ խնդիրը քննելու միջնորդություն ինքը ներկայացրել է նաև դեռևս պաշտոնավարող Գլխավոր դատախազ Արթուր Դավթյանին, սակայն որևէ դրական տեղաշարժ չի եղել․ «Իրենք գտնում են, որ Չերյոմուխա կիրառելիս մեկ միասնական դիտավորություն չի եղել, որ անհատապես են գործել։ Այսպիսի բառախաղերով իմաստազրկել են իրավաբանությունը»։
Հարցազրույցն ամբողջությամբ՝ հարցազրույցում։
Ռոբերտ Անանյան
