07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Գետառի վրա ջրերի մաքրման կայան կկառուցվի. ՏԵՍԱՆՅՈՒԹ
Տնտեսություն
21.06.2022 | 16:54
Գետառի վրա ջրերի մաքրման կայանի կառուցման բնապահպանական ծրագիրը նախատեսվում է իրականացնել 2023 թվականին: Երևանի ավագանու նիստում որոշումն ընդունվեց միաձայն:
Ներկայացվող բնապահպանական ծրագրի հիմնական նպատակն է բարելավել Երևանյան լճի և Հրազդանի գետի էկոլոգիական վիճակը՝ բարելավելով Հրազդան գետ լցվող Գետառ գետի ջրերի որակը:
Ծրագրի իրականացման նպատակներն են՝ մաքրել Հրազդան գետ և Երևանյան լիճ լցվող կոյուղաջրերը, նվազեցնել աղտոտվածության մակարդակը, կանխարգելել աղտոտվածության տարածումը: Նշված աշխատանքների կատարման արդյունքում Երևան համայնքի սահմաններից դուրս եկող Հրազդան գետը Արարատյան հարթավայրի մյուս համայնքներին կհասնի (Գետափնյա, Գեղանիստ, Նորաբաց, Զորակ, Ղուկասավան, Դաշտավան, Դարակերտ) բնապահպանական տեսակետից առավել մաքուր ոռոգման չափորոշիչներին համապատասխան վիճակում՝ նվազեցնելով գետի և նրա առափնյա տարածքների կենսաբազմազանության (ջրային էկոհամակարգ, թռչուններ) վրա մարդածին բացասական ազդեցությունը:
Նախագծի համաձայն` Հրազդան գետի ջրի որակի բարձրացումը կնպաստի նաև այդ ջրով ոռոգելի տարածքներում աճեցվող գյուղատնտեսական մթերքների որակի բարձրացմանը:
Գետառի վրա ջրերի մաքրման կայանի կառուցման վայրը նախնականորեն ընտրվել է Հրազդան գետ թափվող հատվածում, որը տեղակայված է Շենգավիթ վարչական շրջանի Պոլիպլաստ գործարանի մոտակայքում:
Մանրամասները՝ տեսանյութում:
