23.03.2026 | 22:23
Թուրքիան միացել է Եգիպտոսի և Պակիստանի՝ ԱՄՆ-Իրան ճգնաժամի կարգավորման միջնորդական ջանքերին. Axios
Թեժ իրավիճակներում մարդիկ ուզում են հավաստի տեղեկատվություն ստանալ․ Արևիկ Սահակյան․ ՏԵՍԱՆՅՈՒԹ
Հասարակություն
17.06.2022 | 14:54
Կրթական ամենաառաջին օղակներից պետք է սկսել մեդիագրագիտությունը: «Մեդիան` թիրախում. ինչպես վերականգնել ԶԼՄ-ների նկատմամբ վստահությունը» թեմայով ասուլիսում այս տեսակետը հայտնեց Factor TV-ի գործադիր ղեկավար Արևիկ Սահակյանը՝ անդրադառնալով մեդիագրագիտության խնդրին:
Սահակյանը կարևորեց աշխատանքը հանրության մեդիագրագիտության աստիճանը բարձրացնելու ուղղությամբ՝ այն համարելով տեղեկատվական անվտանգության հարց:
«Կարծում եմ՝ դպրոցական տարիքից երեխաները պետք է մեդիագրագիտության տարրական նորմերին ծանոթանան»,- նշեց Սահակյանը:
Արդյո՞ք պետք է մտածել, որ լսարանը անհույս է: Սահակյանի դիտարկմամբ՝ լրատվամիջոցն այդպիսի շռայլություն չի կարող իրեն թույլ տալ, այլ պետք է ամեն կերպ փորձի ավելի փաստարկված ու հավաստի տեղեկատվությամբ լսարանին գրավել:
«Ուզում եմ մի օրինաչափություն նշել. որևէ իրադարձության ժամանակ, հենց որ լինում է թեժ իրավիճակ և ստեղծվում է լարված իրադրություն, «լայվերի» դիտումները տասնակի աճում են, վճռական պահերին մարդիկ ուզում են հավաստի տեղեկատվություն ստանալ և արդեն դիմում են իրենց համար վստահելի լրատվամիջոցներին»,- ընդգծեց Սահակյանը՝ նկատելով, որ կա հանրության մի շերտ, որը ոչ մի լրատվամիջոցի չի հավատում, և կա մի շերտ, որը հավատում է ամեն ինչի:
Մանրամասները՝ տեսանյութում։
