19.04.2026 | 18:15
Փոփոխություններ՝ ՀՀ պետական և ոչ պետական բուհեր ըստ բակալավրի ու անընդհատ և ինտեգրացված կրթական ծրագրերի ընդունելության կարգում
Լրագրողները թիրախավորվում են նաև իշխանության կողմից․ լուրջ հրապարակումները որակվում են «դեղին մամուլի» հրապարակումներ. Քրիստինե Բարսեղյան․ ՏԵՍԱՆՅՈՒԹ
Հասարակություն
17.06.2022 | 14:45
«Վստահության ճգնաժամ է. ոչ միայն լրատվամիջոցների նկատմամբ է վստահության պակաս, այլ նաև պետական ինստիտուտների և առհասարակ մեկմեկու նկատմամբ»,- «Մեդիան` թիրախում. ինչպես վերականգնել ԶԼՄ-ների նկատմամբ վստահությունը» թեմայով ասուլիսում այս մասին նշեց «Հետք» հետաքննական պարբերականի գործադիր տնօրեն Քրիստինե Բարսեղյանը:
Խոսելով վստահության պակասի պատճառների մասին՝ Բարսեղյանը նկատեց՝ ծանր շրջան ենք ապրում. «Տեղեկատվական պատերազմների ժամանակաշրջան ենք ապրում, և պայքար է գնում իշխանության համար, տարբեր քաղաքական ուժեր ուզում են ազդեցություն ունենալ հասարակական կարծիքի և որոշումներ կայացնողների կարծիքի վրա և իրենց «զինանոցում» ունեն նաև ոչ մաքուր «զենքեր»»:
Քրիստինե Բարսեղյանի դիտարկմամբ՝ այսօր այնքան շատ է «ֆեյքնյուզը», որ անգամ մասնագետներն են խճճվում և ստիպված են լինում մի քանի անգամ ստուգել փաստերը:
Բարսեղյանի խոսքով՝ լրագրողները թիրախավորվում են նաև իշխանության կողմից, և լուրջ հրապարակումները որակվում են «դեղին մամուլի» հրապարակումներ, ինչը ևս ազդում է լրատվամիջոցների վստահության վարկանիշի վրա:
Մանրամասները՝ տեսանյութում:
