17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Եվրահանձնաժողովը վստահ չէ Վրաստանին ԵՄ անդամի թեկնածուի կարգավիճակ շնորհելու հարցում
Քաղաքականություն
14.06.2022 | 16:38
Եվրահանձնաժողովը Եվրամիությանը խորհուրդ կտա Ուկրաինային թեկնածուի կարգավիճակ տրամադրել, սակայն տեղեկատվության համաձայն՝ Վրաստանի պարագայում այնքան էլ համոզված չէ։ Այս մասին գրում է Politico-ն՝ վկայակոչելով հունիսի 13-ին Բրյուսելում տեղի ունեցած քննարկումներին ծանոթ պաշտոնյաների, փոխանցում է aliq.ge-ն։
Հրապարակման մեջ ընդգծվում է, որ Եվրահանձնաժողովում բանավեճին նախորդել է ԵՀ նախագահ Ուրսուլա ֆոն դեր Լյայենի այցը Կիև, որտեղ նախագահ Զելենսկին և այլ պաշտոնյաներ պահանջել են Ուկրաինային պաշտոնական կարգավիճակ շնորհել, ինչը, նրանց խոսքով, պատերազմող երկրի համար կարևոր քայլ կլինի։
Ինչ վերաբերում է Վրաստանին և Մոլդովային, ապա Եվրահանձնաժողովն ամբողջությամբ աջակցում է Մոլդովայի՝ կառույցիի անդամի թեկնածուի կարգավիճակին, որն ունի խիստ եվրոպամետ կառավարություն, սակայն ավելի պակաս վստահ է Վրաստանի մասով, որը քաղաքական ցնցումներ է ապրել և ժողովրդավարության նկատելի անկում է գրանցել վերջին տարիներին։
Նշենք, որ Վրաստանը ԵՄ-ին անդամակցելու իր դիմումը ներկայացրել է մարտի 3-ին։ Ապրիլի 11-ին երկրին պաշտոնապես հանձնվել է թեկնածուի կարգավիճակի ինքնագնահատման հարցաթերթիկը։ Վրաստանի կառավարությունը հարցաթերթի առաջին՝ լրացված մասը Բրյուսել է ուղարկել մայիսի 2-ին, իսկ երկրորդ մասը՝ մայիսի 10-ին։
