18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
Մեր լիդերները 3 անգամ հանդիպել են կոնֆլիկտի լուծման համար, պրոցեսը շարժվում է և կան դրական արդյունքներ. Լավրով․ ՏԵՍԱՆՅՈՒԹ
Քաղաքականություն
09.06.2022 | 14:11
Հայաստանի, Ռուսաստանի և Ադրբեջանի ղեկավարների համատեղ ընդունած երեք հայտարարությունները հստակ ճանապարհային քարտեզ է, որով պետք է առաջնորդվենք: Այս մասին ՀՀ ԱԳ նախարար Արարատ Միրզոյանի հետ համատեղ ասուլիսում հայտարարել է ՌԴ ԱԳ նախարար Լավրովը։
Անդրադառնալով ռուս լրագրողի՝ հայ-ադրբեջանական հարաբերությունների վերաբերյալ հարցին՝ ՌԴ ԱԳ նախարարը նշել է, որ գործընթացը շարունակվում է, և արդեն իսկ կան շոշափելի արդյունքներ:
«Մեր լիդերները 3 անգամ հանդիպել են կոնֆլիկտի լուծման համար, գործընթացը շարունակվում է, և կան դրական արդյունքներ: Միգուցե դանդաղ տեմպերով է առաջ գնում, բայց կասկած չկա, որ վերջնական պայմանավորվածության կհասնենք:
Կողմերից յուրաքանչյուրն, իհարկե, ունի իր առանձին տեսակետը հարաբերությունների կարգավորման մասին, այդ տեսակետները հաճախ չեն համընկնում, բայց մենք բոլորս մեկ ընդհանուր համոզմունք ունենք, որ երեք երկրների ղեկավարների համատեղ ընդունած երեք հայտարարությունները հստակ ճանապարհային քարտեզ է, որով պետք է առաջնորդվենք»,- նշեց Լավրովը:
ՌԴ արտգործնախարարը դրական գնահատեց սահմանազատման և սահմանագծման հարցերով հայ-ադրբեջանական հանձնաժողովների հանդիպումների արդյունքները: «Հանձնաժողովների հերթական հանդիպումը կկայանա Մոսկվայում, մենք պատրաստ ենք կողմերի հետ խորհրդատվություն անցկացնել, ինչպես նաև քարտեզներ տրամադրել»,- նշեց Լավրովը:
Մանրամասները՝ տեսանյութում:
