10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Խերսոնի մարզում Ռուսաստանին միանալու հարցով հանրաքվեն կանցկացվի այս տարի
Քաղաքականություն
09.06.2022 | 14:39
Ռուսաստանը նախատեսում է այս տարի հանրաքվե անցկացնել Խերսոնի մարզում՝ Ռուսաստանին միանալու վերաբերյալ։ Այս մասին Ռիա Նովոստիին հայտնել է Ռուսաստանի կողմից նշանակված շրջանի ղեկավարի տեղակալ Կիրիլ Ստրեմոուսովը։
«Հանրաքվեն նախատեսվում է անցկացնել այս տարի։ Այդ հարցի վերաբերյալ որոշումն ընդունված է»,- ասել է Ստրեմոուսովը։ Միաժամանակ նա նշել է, որ հիմա առաջնայինը ոչ թե հանրաքվեն է, այլ տարածաշրջանի սոցիալ-տնտեսական զարգացումը, որից կախված է մարդկանց բարեկեցությունն ու կյանքի որակը։ Նրա խոսքով՝ Խերսոնի մարզն արդեն սկսել է ինտեգրվել Ռուսաստանին, բնակիչներն ակտիվորեն դիմում են ռուսական անձնագրեր ստանալու համար։
Հիշեցնենք՝ Խերսոնը Ուկրաինայի այն բնակավայրերից է, որը անցել է Մոսկվայի վերահսկողության տակ Ռուսաստանի սկսած ռազմական գործողությունների հետևանքով։
Էմմա Չոբանյան
