20.08.2026 | 10:49
Ռումինիայում ԱԹՍ է ընկել Ուկրաինայի վրա ռուսական հարձակման ժամանակ
Բորելը հայտնել է, որ Ռուսաստանը ոչնչացրել է ուկրաինական հացահատիկի երկրորդ խոշոր տերմինալը
Քաղաքականություն
07.06.2022 | 14:17
Ռուսաստանը ոչնչացրել է Նիկոլաև քաղաքում ուկրաինական հացահատիկի երկրորդ խոշոր տերմինալը։ Այս մասին հայտարարել է ԵՄ դիվանագիտության ղեկավար Ժոզեպ Բորելը, գրում է BBC-ի ռուսական ծառայությունը։
«Նման հաղորդագրությունների լույսի ներքո ապատեղեկատվությունը, որը Պուտինը տարածում է՝ մեղքը իր վրայից գցելու նպատակով, դառնում է ավելի ցինիկ»,- ասել է նա։
Բորելն առաջին արևմտյան քաղաքական գործիչը չէ, որը Ռուսաստանից պահանջում է վերջ տալ, այսպես կոչված, «հացահատիկային արգելափակմանը»:
Երեկ ԵՄ Խորհրդի նախագահ Շառլ Միշելը Ռուսաստանին մեղադրել էր աշխարհի պարենային շանտաժի մեջ։ Նրա խոսքով՝ Մոսկվան ռմբակոծում է ուկրաինական ամբարները, թույլ չի տալիս ցանք կատարել Ուկրաինայի մեծ հատվածներում, հացահատիկ է գողանում օկուպացված տարածքներից, ինչպես նաև փորձում է որպես զենք օգտագործել զարգացող երկրներում պարենային ճգնաժամը, որը հասունանում է պատերազմի պատճառով։
Ավելի վաղ էլ Ֆրանսիայի նախագահ Էմանուել Մակրոնը և Գերմանիայի կանցլեր Օլաֆ Շոլցն էին կոչ արել Վլադիմիր Պուտինին վերացնել Օդեսայի շրջափակումը՝ նավահանգիստներից ուկրաինական հացահատիկ արտահանելու համար։ Ի պատասխան՝ Ռուսաստանը հայտարարել է, որ դա հնարավոր է միայն պատժամիջոցների վերացման դեպքում։
Հավելենք, որ հունիսի 8-ին էլ ՌԴ ԱԳ նախարար Սերգեյ Լավրովը մեկնում է Թուրքիա։ Այցի ընթացքում Թուրքիայի արտգործնախարար Մևլութ Չավուշօղլուի հետ նա քննարկելու է ուկրաինական հացահատիկի արտահանման համար միջանցք բացելու հնարավորությունը։
Էմմա Չոբանյան
