28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
Բորիս Ջոնսոնը պահպանել է Մեծ Բրիտանիայի վարչապետի պաշտոնը
Քաղաքականություն
07.06.2022 | 12:31
Մեծ Բրիտանիայի վարչապետ Բորիս Ջոնսոնը Պահպանողական կուսակցության պատգամավորների վստահության քվեն է ստացել ու կշարունակի պաշտոնավարել, գրում է Ինտերֆաքսը։
Քվեարկության ընթացքում Ջոնսոնին աջակցել է 211 պատգամավոր, անվստահություն հայտնելու օգտին քվեարկել է 148-ը։ Սա նշանակում է, որ Ջոնսոնը մնում է պահպանողականների առաջնորդն ու երկրի վարչապետը։
Անվստահություն հայտնելու համար անհրաժեշտ էր իշխող Պահպանողական կուսակցության 359 պատգամավորներից առնվազն 180-ի ձայները։
Հիշեցնենք, որ Պահպանողական կուսակցության պատգամավորների առնվազն 15 տոկոսը, այսինքն՝ 54 հոգի, Ջոնսոնին անվստահություն հայտնելու մասին նամակ էր ուղարկել, այսպես կոչված, «1922 կոմիտեի» նախագահ սըր Գրեհեմ Բրեյդիին։
Դաունինգ Սթրիթը 2020-21 թվականներին մի շարք երեկույթներ է հյուրընկալել այն ժամանակահատվածում, երբ Լոնդոնում համավարակով պայմանավորված խիստ սահմանափակումներ էին։ Ջոնսոնը մասնակցել էր մի քանի միջոցառումների՝ առաջացնելով քաղաքական գործիչների և հասարակության դժգոհությունը, որոնք ուղեկցվում են հրաժարական տալու կոչերով։
Էմմա Չոբանյան
