28.06.2026 | 21:45
Քննարկվում է դիզելային վառելիքի արտահանման ամբողջական արգելքի հնարավորությունը․ Պուտին
Լավրովի այցը Սերբիա չեղարկվել է․ հարևան երկրներն արգելել են նրա ինքնաթիռին անցնել իրենց օդային տարածքով
Քաղաքականություն
06.06.2022 | 13:14
ՌԴ ԱԳ նախարար Սերգեյ Լավրովի Սերբիա կատարելիք այցը չեղարկվել է։ ՌԴ ԱԳՆ-ից հաստատել են, որ Բուլղարիան, Հյուսիսային Մակեդոնիան և Չեռնոգորիան արգելել են Լավրովի ինքնաթիռի թռիչքն իրենց օդային տարածքով, գրում է Գազետան։
Հստակեցնող հարցին՝ արդյո՞ք Լավրովի այցը չեղարկվել է ստեղծված իրավիճակի պատճառով, ԱԳՆ բարձրաստիճան աղբյուրը նշել է, «դիվանագիտությունը դեռ չի տիրապետում տելեպորտի կարողությանը»։
Ավելի վաղ հայտնի էր դարձել, որ Բուլղարիան, Չեռնոգորիան և Հյուսիսային Մակեդոնիան արգելել են ՌԴ ԱԳ նախարար Սերգեյ Լավրովի ինքնաթիռին անցնել իրենց օդային տարածքով։ Լավրովի Բելգրադ այցը նախատեսված էր հունիսի 6-7-ը։
Նշվում է, որ Սերբիայի նախագահ Ալեքսանդր Վուչիչն այսօր դիմելու է ժողովրդին՝ կապված Լավրովի այցի չեղարկման հետ։
Էմմա Չոբանյան
