20.08.2026 | 09:40
ՀՀ տարածքում ավտոճանապարհներն անցանելի են
Բալթիկ ծովում մեկնարկել են ՆԱՏՕ-ի լայնամասշտաբ զորավարժությունները Շվեդիայի և Ֆինլանդիայի մասնակցությամբ
Քաղաքականություն
06.06.2022 | 12:31
Բալթիկ ծովում նախօրեին ԱՄՆ-ի գլխավորությամբ մեկնարկել են ՆԱՏՕ-ի ուժերի մեծամասշտաբ ռազմածովային զորավարժությունները, որոնք տևելու են գրեթե երկու շաբաթ, գրում է delfi-ին։
Զորավարժություններին կմասնակցեն 45 նավ, 75 ինքնաթիռ և ավելի քան 7000 նավաստի, օդաչու 16 երկրից, այդ թվում՝ Ֆինլանդիայից և Շվեդիայից, որոնք դեռ պաշտոնապես Հյուսիսատլանտյան դաշինքի անդամ չեն, սակայն միանալու դիմում ներկայացրել են։
Զորավարժություններից առաջ Շվեդիա է այցելել ԱՄՆ զինված ուժերի շտաբների պետերի միացյալ կոմիտեի նախագահ, գեներալ Մարկ Միլին։ Նա մամուլի ասուլիս է հրավիրել Ստոկհոլմի կենտրոնում գտնվող USS Kearsarge դեսանտային նավի վրա, որի ընթացքում ասել է, որ ԱՄՆ-ի և ՆԱՏՕ-ի մյուս անդամների համար կարևոր է համերաշխություն ցուցաբերել Ֆինլանդիայի և Շվեդիայի հետ, և առաջիկա զորավարժությունները դրա համար ճիշտ պահ են։
ՆԱՏՕ-ն ընդգծում է, որ զորավարժությունները պատասխան չեն որևէ կոնկրետ սպառնալիքի, սակայն աշխարհում տիրող անկայուն իրավիճակում դաշինքն «օգտվում է հնարավորությունից՝ փորձարկելու իր ուժերը և ամրապնդելու պաշտպանունակությունը»։
Հավելենք, որ Թուրքիան դեմ է հանդես գալիս Շվեդիայի և Ֆինլանդիայի՝ ՆԱՏՕ-ին անդամակցությանը։
Էմմա Չոբանյան
