06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
ԹԵԺ ԲԱՆԱՎԵՃ․ Ուկրաինայի դեմ ՌԴ-ի ագրեսիվ պատերազմի 100 օրը․ որո՞նք են արդյունքները․ ՏԵՍԱՆՅՈՒԹ
Քաղաքականություն
03.06.2022 | 19:02
Ուղիղ 100 օր առաջ՝ փետրվարի 24-ի վաղ առավոտյան, Ռուսաստանը հարձակում սկսեց Ուկրաինայի վրա։ Ուկրաինական 25 քաղաքների ենթակառուցվածքների, ռազմական, քաղաքացիական օբյեկտների ուղղությամբ արձակվեցին հրթիռներ։ ՌԴ նախագահ Վլադիմիր Պուտինը վաղ առավոտյան հեռուստաուղերձում պնդել էր, թե այսպիսով նպատակադրված է խոչընդոտել Ուկրաինային միջուկային զենք ձեռք բերելու հարցում։
ՌԴ-ն պատերազմի նպատակ հայտարարեց Ուկրաինայի ապազգայնացումն ու ապառազմականացումը։ Պուտինը նաև կոչ էր արել ուկրաինացի զինվորականներին՝ զենքը վայր դնել։ Սակայն 100 օր շարունակ Ուկրաինան պատերազմ է վարում՝ ստանալով Արևմուտքի և ՆԱՏՕ-ի երկրների ռազմական ու քաղաքական աջակցությունը։
ԱՄՆ նախագահի առաջին արձագանքը պատերազմին այն «չհրահրված և չարդարացված» հարձակում որակելն էր։ «Աշխարհը Ռուսաստանին պատասխանատվության կենթարկի»,- ասել էր Ջո Բայդենը։
ՄԱԿ-ի տվյալներով՝ Ուկրաինայում մոտավորապես չորս հազար խաղաղ բնակիչ է զոհվել, այդ թվում՝ ավելի քան 250 երեխա, կան միլիոնավոր փախստականներ։
Ինչպիսի՞ ընթացքի մեջ է Ուկրաինայի դեմ ՌԴ-ի պատերազմը, ինչպիսի՞ արդյունքներ են արձանագրվել և ի՞նչ վերջնարդյունք կարող է ունենալ։
Factor TV-ի եթերում հրավիրված բանավեճին մասնակցում են սոցիոլոգ Կարեն Սարգսյանը, քաղաքագետ Ռոբերտ Ղևոնդյանը, Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը, Ցանցային հետազոտությունների ինստիտուտի տնօրեն, վերլուծաբան Գագիկ Հարությունյանը։
