15.09.2026 | 16:53
Ըստ ՔԿ-ի՝ տղամարդը կնոջը դուրս է գցել ընթացող մեքենայից՝ 4-ամյա դստեր ներկայությամբ
Անահիտ Ավանեսյանը հանդիպել է Լիտվայի էկոնոմիկայի և ինովացիաների նախարարի տեղակալ Յովիտա Նելիուփշինեին
Հասարակություն
03.06.2022 | 19:21
Հայաստանն ու Լիտվան նախապատրաստվում են միջկառավարական հանձնաժողովի նիստին: Այս մասին տեղեկացնում է առողջապահության նախարարությունը:
Օրերս Լիտվա կատարած այցի շրջանակներում ՀՀ առողջապահության նախարար, Հայաստան-Լիտվա առևտրային և տնտեսական հարցերով միջկառավարական հանձնաժողովի հայկական կողմի համանախագահ Անահիտ Ավանեսյանը հանդիպել է Լիտվայի էկոնոմիկայի և ինովացիաների նախարարի տեղակալ Յովիտա Նելիուփշինեին:
Հանդիպմանը քննարկվել են աշնանը Հայաստան-Լիտվա միջկառավարական հանձնաժողովի նիստ անցկացնելու հնարավորությունները և դրա նախնական օրակարգը:
Անդրադարձել են երկկողմ հետաքրքրություն ներկայացնող հարցերի, այդ թվում՝ սննդի անվտանգությանը, գյուղատնտեսությանը, կիբերանվտանգությանը, երկրների քաղաքական հարաբերություններին և առևտրատնտեսական ոլորտին վերաբերող խնդիրներ:
Միաժամանակ, քննարկվել են առևտրաշրջանառության ծավալներն ու ապրանքատեսականու ընդլայնման և ծավալների մեծացման հեռանկարները։
Հանդիպմանը մասնակցել են նաև ՀՀ Էկոնոմիկայի փոխնախարար Ռաֆայել Գևորգյանը և Լիտվայում ՀՀ դեսպան Հովհաննես Իգիթյանը։ Անահիտ Ավանեսյանը Յովիտա Նելիուփշինեին հունիսի վերջին հրավիրել է Հայաստան՝ քննարկելու աշնանն անցկացվելիք նիստի օրակարգի մանրամասները:
