17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Անկարայում Ուկրաինայի դեսպանը Թուրքիային մեղադրել է ՌԴ-ի կողմից գողացված ուկրաինական հացահատիկը գնելու մեջ
Քաղաքականություն
03.06.2022 | 19:46
Անկարայում Կիևի դեսպանը հայտարարել է, որ Թուրքիան այն երկրների թվում է, որը գնում է Ռուսաստանի կողմից գողացված ուկրաինական հացահատիկը, գրում է ekathimerini-ն։
Դեսպան Վասիլ Բոնդարը լրագրողներին ասել է, որ օգնություն է խնդրել թուրքական իշխանություններից և Ինտերպոլից՝ հետաքննելու համար, թե ովքեր են ներգրավված թուրքական ջրերով հացահատիկի փոխադրման մեջ։
Հիշեցնենք, որ Թուրքիայի ԱԳ նախարար Մևլութ Չավուշօղլուն նախօրեին հայտարարել էր, թե մոտ օրերս կայանալիք հանդիպման ժամանակ Թուրքիան, Ուկրաինան, Ռուսաստանը և ՄԱԿ-ը կքննարկեն Ստամբուլում մեխանիզմի ստեղծման հարցը՝ վերահսկելու ծովով հացահատիկով նավերի դուրսբերման հնարավորությունը։
«Մի կողմից՝ մենք փորձում ենք կողմերին նստեցնել բանակցությունների սեղանին, մյուս կողմից՝ ստեղծել անվտանգ միջանցք ականներից զերծ ծովով ուկրաինական հացահատիկով նավերի դուրսբերման համար։ Մենք՝ ՄԱԿ-ը, Թուրքիան, Ռուսաստանը և Ուկրաինան, ջանք ենք թափում այս ուղղությամբ»,- ասել էր Չավուշօղլուն։
Էմմա Չոբանյան
